ЗАМАНА - Секьяйдали мяхIкамдеш бируси?

ИшхIелла гIямру банкла карточкаби ва электронный тяхIярла къуллукъуни агарли пикридарес къиянни саби. Аммаки илдигъунти къуллукъуни дахъдикIниличил барх вайнукьабала лугIира имцIабикIули саби, чулира виртуальный гIямрулизиб хIушала гьарли-марти арцлис гIергъибикибти.

Минутла бухIнаб нушани хIушала банкла карточкаличир арц мяхIкамдарахъес кумекладиэсти тяхIуртачила бурехIе. ХIушала карточкаличирти арцличи баэс багьандан, такьсирчибас картала реквизитуни, илала номер, фамилия ва у, гьарли-марси биъни марбируси код, картала гIелабси бяхIличирти хIябал лугIи, илкьяйдали пин-код яра багьахънилизибси, балбуц марбируси, код хIяжатси саби.
Се барес хIяжатси мягIничерти баянти дигIяндарес ва заманаличир шилтахъчидешла лишанти агардарес багьандан?
Пин-код лукIухIели, урхIли ил чехIебаэсли баркьуди дурабуркIеная. Дедлугути арцлис смс-багьахъни кабизахъеная ва Интернет банкинг пайдалабиреная, ардухибти арцла замана чебаэс багьандан. Банкоматличил пайдаладикIухIели, цархIилти гIягIниахълуми агниличи чекадилзеная, мисаллис, кабихьибси клавиатура. ХIушала картала баянтала цархIиллизи сурат касахъес яра делкIахъес имкан малугадая. Арц дедлугнила тяхIяр бетхIеберхурли биалли, банкоматлизибад ил бетхIеъни марбируси чек касая. Интернетлизирад масани исухIели, сайт адресла белкIлизиб ахтардибиреная, къалпласиличил хIебархахъес багьандан. Гьарли-марси адреслизиб мяхIкамдешла лишан – умхьу кьяйдали барибси – биэс гIягIниси саби.
ХIушала карточкаличил масъулти акIнила хIекьлизиб банклизибад багьахъни касили гIергъи, мисаллис, блокироватьбарниличила, хIушала карталичиб чебаахъибси номер хIясибли зянкъдяхъили, багьахъни ахтардибарая. Картала баянти телефон хIясибли чизилра мадуридая, ихтилатчини банкла хIянчизар сайливан балахъалра.

 

Прочитано 212 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na fotoФотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-78978 от 20 августа 2020 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 66-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top