Дагъистаннизиб Covid-19 изала циила хIярхIбиъниличила балахъули саби. Биалра, ил изайзибад улхутала кьадар гьачамлис камбиубли ахIен. Больницаби ва реанимацияла отделениеби зягIиптани дицIили сари.

Больницабази кабиркьути зягIипталайчибра сагъбиубтала лугIи имцIабикIули саби. ИшбархIилис 64 медицинала организациялизир хургьри демднила ва Covid-19 излумачил зягIипбикибтас хасси кумек гIеббаахъес багьандан, 5835 койка мерладарили сари.
«БусягIятла манзиллис 60 процентла кьадарлизибти дагъистанлантани вакцинаби дарахъили сари. Буралли, гIергъиси замана вакцинаби дирахънила хIяракат гIяхIцадла жигарчеббиуб. Амма, гIергъиси жумягIлизиб прививка бирахъутала лугIи камбиубли саби. Чула иза чехIейсудеш дебабиахъниличи ва арадеш мяхIкамбирниличи халкьла пикри битIакIес дигулра», — буриб ДР-ла арадеш мяхIкамбирнила шайчирси министр Т.Беляевани.
Россияла арадеш мяхIкамбирнила шайчибси Министерстволи вакцина бирнила хIекьлизирти насихIятуни сагадарниличилара бурес чебиркур. 60 дусла чедибтас «Спутник Лайт» барахъес маслигIятбирули саби. Демдрила изайзи ва ВИЧ-лизи бикибтас «Спутник V» вакцина барахъалли гIяхIси биъни балахъули саби, илхIелира тухтурли ахтарди дураберкIили гIергъи.
ДР-ла арадеш мяхIкамбирнила шайчибси Министерство