ЗАМАНА - БебкIаличил дяхI-дяхIли

2020-ибил дус инсаният уркIиагарбиънила дусли бетаур. Дунъя кахси изайчил бяхIягиб, суненира мекелли халаси бяхъ ­чегахъибси. Илини гIяхIцад адамтала гIямру къябдердиб, бахъал адамти хIянчурби агарли калун. Коронавирусла чейхъуси изала гIяйбиубси манзил, ил се сабил, зягIипбикибтас сегъуна лечение бирусил хIебалули, тухтурти бачабархилри. Сагали дакIубухъунси изай нушала медицина илгъуна анцIбукьличи хIядурли хIебиъни чебаахъиб, амма халкь уржибти, кумекличи музабухъес къалабати биъни якьинбариб.

Гьанагарси изала нушала улкализиб хъярхъли тIинтIбикIес бехIбихьиб. Улкализирти больницаби кьяйда, республикала больницабира чейхъути излумала шайчирти госпитальтачи шурдатур. Медицинала лебилра хIянчизарти дуги-хIери цадарили, хъалибаргуни чехIедиули ва чула арадешлис урехи алкIниличи хIерхIеили, зягIипти арабарес гъазализи каберхур. Гьаркьятала къяяназиб бузули, гIяхIцад адамтала гIямру дерцахъиб. Сепайда, зягIиптас къуллукъбирути чумра тухтур алхун кьадин.
Covid-19 изала тIинтIбикIниличил бархбасунси ибкьси агилизиб хIяжатсилис кумек гIеббиахъути волонтёртала ва халкьла арадешлис къарауйчибти тухтуртала къайгъни хIукуматла пикрила дурар кахIелун. Илди РФ-ла Президент В.Путинни кьабулбарибси пачалихъла шабагъатличи —Пироговла орденничи — лайикьбикиб.
Кьанниван, коронавирусла чейхъуси изайчи къаршиси вакцина балкьаахъур. ХIукуматла хIянчиличибти адамтани, медицинала хIян­чи­зартани прививкаби дарили сари ва ил барахъес гIядатла адамтира жибирули саби, сенахIенну чIянкIли коллективный иммунитет кабизахъурли гIергъи, изайчибад чедибдеш сархес имканбикIухIели.
Гьайгьайрагу, коронавирусла чейхъуси изай кьаркьайчи­ гьарли-марли декIси асарбирули саби. ВегIла арадешлис ва гIям­рулис урехи хIебиахъес багьандан, ишбархIила аги-кьяй­да­лизиб вакцина барахъни бархьси баркьудилизи халбирули са­би специа­листунани. Илдала гъай хIясибли, прививка барахъили гIергъира адам зягIипикес асубирар, амма кьаркьайс декIси асар хIебарили, изала чебаркьян. БегIлара бекIлибиубсигъуна, сай зягIипикили хьалли, вакцина барахъибси адам изала тIинтIбиран ветхIерар. ХIера, ил мурадли бирахъуси саби вакцина.

 

Прочитано 1253 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na fotoФотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-78978 от 20 августа 2020 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 66-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top