ГIергъиси замана гьарил адамла хIянчиличил, белчIудиличил ва гIямрула декIар-декIарти шалубачил дархдасунти арц дедлугнила тяхIяр-кьяйда гьанна имцIаливан дистанционный (гьарахъларад) жураличи шурдулхъули сари. Интернетла кумекличил гIягIниси мерличи илди даахъес вирули сай чили-дигара.
Гьайгьайрагу, ил тяхIярличил арц дедлугнили дебали замана мяхIкамбирахъули саби, итира хIянчилизи бархибти ишбархIила адамтала.

Илди тяхIяр-кьяйдализирад дурадулхъули ахIен харжбарибси хутIлис арц дедлугнила журара. Гьанна, ил баркьуди дураберкIес багьандан, гьалаб­ван чина-биалра вякьи, чумал сягIят яргаличи кайзес гIягIнидеш агара. gosuslugi.ru сайтлизибси бекIахъудила масъултала хIекьлизибси бутIализир хъалибаргли харждарибти лерилра сурсатунас арц дедлугес имканбикIули саби.
ИшхIелла замана, илкьяйдали адамли заманацун ахIенну мяхIкамбируси, арадешра саби. Се­на­хIен­ну яргаличи кабизурти-ургаб зягIиптира къар­ши­­бикес асубирар. Дистанционный тяхIярличил пай­да­ла­викIусилис биалли, илгъуна балбуц гIяхIсили уб­булхъан.