2021 ибил дуслизир ЕГЭ-ла хIянчурби кункдарес Ро­собрнадзорла пикри ага­ра. Иличила балахъули саби ГИА ду­ра­буркIнила шайчибси управлениела начальник Игорь Круглинскийли.

Илала гъай хIясибли, имтихIяйчи дурхI­ни кьасчебли дус кабикайчи хIя­дур­би­кIул­ри, илхIелира — гьаларти дусмазир диубти хIянчурбачи хъарихъули. Им­ти­хIяй­зи гьанна сегъунти-биалра дарс­де­шу­ни кадерхахънили бучIантала хатIаби да­хъ­дирахъу.
— ЕГЭ дурабуркIнила лебси тяхIярличи бурсибарибтири кьалли илди. ИмтихIян гьамадбарнилизиб сегъуна мягIна леба? Илди дарсдешунани адамти чеббулкIахъу, — викIи ил.
ГьанбиркахъехIе, 2020-ибил дуслизир имтихIянти чебяхIси даражала багьуди ка­сес дигутаницун дедлугутири. Шал­гIеб­бу­­хъунси дуслизирра ЕГЭ-ла хIянчурби гьа­­маддарибти ахIенри, чейхъуси изала цIакь­бикIути шуртIри акIубли диалра. 20­21 ибил дуслизибра ЕГЭ чебяхIси дара­жа­ла багьуди касес кьасла бегIтасцун кавлан.
ИлхIелира Рособрнадзорла бекI Анзор Музаевли сай, ЕГЭ дурабуркIуси манзил июльличи яра августличи бикайчи бухъянхIебилтIниличи, хьуликIули виъниличила бурули саби.
ГьанбиркахъехIе, 2021 ибил дуслизир ЕГЭ-ла имтихIянти майла 31-личибад июльла 2-личи бикайчиси манзилла ургар дурадуркIути сари.