ЗАМАНА - Севан багьес вирара?

ИшбархIи нушани Covid-19 лишанти агарли кьяшмачиб чекасес асубирнилачила зу­мали би­кьул­ра. Гьигьла биркIантачи хас­­си иза лишантачилси зя­гIип­­силис тес­т бирули саби. Илини кабилзахъа адам ко­ронавирусла чейхъуси изайзи ви­килил ахIенал. Се­гъун­ти анцI­бу­кьу­на­зиб гьа­л­а хи­ли бурес вирара хIу­ша чейхъуси изайзи дикни ва кунк­си тяхIяр­ли ил че­бар­­букь­ни?

ТIем-гягI далнили­зиб барс­деш. Коронавирусла чейхъуси изайзи викибхIели, тIем-гягI детихъниличила бурули саби.
Кункси жураличиб хIушани гягI бални тамай бетхIехъесра асубирар, амма чараагарли барсдеш алкIан. Сахъдеш да­кIу­биреная, хIушалара хIу­шала гъам­талара арадеш мяхI­кам­барая. Изала ал­кIахъути микробуни тIинтI­ди­рантили детмайрудая.
Даргмах зараллизи дикни. ЧяхIикIни Covid-19-ла лишан биэсра асубирар.

Гьунарагардеш ва вамсурдеш. Ишар гъай се-биалра барили вамсурдешли­чи­ла ахIенну, ца ити кьаркьала хIя­ла­гарбикниличила сари. Эгер гIядат­лати баркьудлуми (хозяйстволизирти вяшатIала ва цархIилти) хIушаб къияндулхъули диалли, хIушала кьаркьал­а вирусличи къаршили бургъули биэс асу­би­рар.

КьикIа канила изудеш. Чумал баз гьалаб кьикIа кани изни коронавирусла чейхъуси изайчил бархбасунси ахIенри. Гьанна биалли, хургьри демд­нила сабабли канила изудеш акIес асубирар или балахъули саби медицинала хIян­чи­зартани.

ХIулила бухIнабси кам бемд­ни. Коронавирусла чейхъуси изай­чи хасли ахIенси лишан саби ил, амма чедир гьандушибти авалра анцI­букь­личил барх дакIубиубли биалли, иза лишан саби. Кьаркьайчи вирус къячбикалли, кункси журала конъюнктивит (хIулила дурабси кам бемдни) акIахъес асубирар. ДекIси анцIбукьуназиб нургъби дашуси мерличи шаха диркур. Медицинала хIянчизартала гъай хIясибли, илди шелра анцIбукь цазаманализир къаршидикалли яра 10-14 бархIила духIнар цалис гIергъи ца яргадикIалли, коронавирусла чейхъуси изала кункли чекасни багьесли бирар.
Кьаркьай чехIейснила шайчибти тухтуртани балахъуливан, духълуми вавалидирхъуси манзил, майличиб ва июньничиб, чехIейснила изайзибти адамталара цаибилра шуибилра лишанти дакIудиэс асубирар.

 

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na fotoФотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-78978 от 20 августа 2020 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 66-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top