Дагъиста полицияла хIянчизартас коронавирусла чейхъуси изайчи къаршили прививкаби дирес бехIбихьиб. БегI гьалар прививкаби дариб МВД-ла хIянчизартас.
Вакцинаби дирути сари коронавирусла чейхъуси изайзи хIебикибти полицияла хIянчизартас, сенахIенну илдала кьаркьайзир COVID-19-личи къаршидеш алкIахъути секIулти (антитела) агни багьандан.
COVID-19-личи къаршиси вакцинара гриппличи къаршиси прививка кьяйда камлиу бируси саби. Илини циила изала дакIубарили, кьаркьайзир вирусличи къаршити секIулти алкIахъути сари.
Камси заманала бухIнаб антителаби агарти лебил полицияла хIянчизартас ил вакцина барили бирар.
