Сергокъалала районнизиб коронавирусла чей­хъу­­си изала тIинтIбирниличи къаршити тяхIяр-кьяй­да далдуцнила шайчибси цагьатIи балбуц дура­бер­кIиб. Районна администрацияла туризмала ва жагьилтала къуллукъунала шайчивси гьавкьяси специалист Мурад Мусаевли депутатунас ва шимала мер-мусала бургас дяхIликалаби ва COVID-19-личи къаршили дурадуркIути мяхIкамдешла далдуцуначила иргъахъути белкIаначилти кагъурти дутIиб.

Депутатуни адамтачи бегIлара гъамли бирути саби. Илдани ахIи, гIур чили дурабуркIу халкь-ургаб иргъахънила, баянбирнила хIянчи. ХIиллакарси изайчи къаршити баянтачила илдани адамтази гIурра гьанбуршу. Къиянни ахIенгу халкь-ургар дяхIликалаби дихес, някъби ицес, мяхIкамдешла далдуцуни дурадуркIес, бахъал адамти цахIнабиркуси мерличивад тяйдили уэс.
Сергокъалала районна багьахънибала центр