Асарчебли пайдалабарес

МяхIячкъалала спортла Министерстволизиб пресс-конференция бетерхур, Дагъистайзиб «Отцовский патруль. Мы готовы» бикIуси балбуц ду­ра­буркI­нилис хасбарибси. Ил бетурхуси саби лебил Россияла физкультурала ва спортла «Готов к труду и обороне» бикIуси комплекс дурабуркIнила да­зур­базиб.

Балбуцла бекIлибиубси мягIна саби: арати гIямру дуркIнила кьяйдурти тIинтIдарес, ГТО комплекс хъа­ли­барглизиб бяркъ бедлугнилизиб ва бегIталара биш­­тIа­талара акьуси манзил буркIнилизиб асарчебли пайдалабарес.
Пресс-конференциялизир бутIакьяндеш дариб: ДР-ла физкультурала ва спортла министр МяхIяммад МяхIям­мадовли, нешанала ва дурхIнала ихтиюрти далтахънила шайчирси уполномоченная Марина Ежовани, спортла туризмала ва жагьилтала къуллукъунала шайчибси Комитетла председатель Марат Ибрагьимовли, Дагъистайзивси ГТО-ла федеральный вакил, дунъяла чемпион КьурамяхIяммад КьурамяхIяммадовли.
Бурес чебиркур, илдигъунти далдуцуни Россияла лерилра регионтазир детурхар.