ЗАМАНА - ГIяхIсилизи халбариб
ГIяхIсилизи халбариб

«Кайтаги» эт­ноцентрла спе­циалист Заи­ра Мя­хIяммадовала хIян­чи (сурат) лебил Россияла «Рос­сия­ла халкьла миллатла пал­тар­личил нешла ва дурхI­нала сипат» бикIуси сура­ту­нала кон­курсличиб цаибил мер­личи лай­икьбикиб. Кон­курс бе­терхусири Моск­ва шагьар­ли­­зиб. Илини бутIа­кьян­деш да­­рибтири «Патриот бяркъ бед­лугни – улкала халкьла гIя­дат­­ласи культура мяхI­­кам­барни» бикIуси номи­на­ция­ли­зир.

Суратлизир чериули сари хъалибаргла анкъи мяхIкамли бихIуси, миллатла палтарли регIриубси, сунела виштIасила сири гардбируси, уршили ва рурсили алавруцибси дубурлан хьунул адам. Даргала миллатла палтарли, жявхIелла тIалхIянали Хайдакьла культурала дахъал шалуби гьаргдирули сари. ИшхIелла шуртIразиб кабяхъибси суратли, арбякьунси даршдусла дубурлантала гIямру сипатдирули сари.
Заира МяхIяммадовала гъай хIя­сибли, гьарли-марси суратуни кайсан сунела бузерила хIясилтачи разили виэс асухIебирар.
«Нуни устадешчебти суратуни кайсантала пагьмурти гIерасес къайгъибирулра. Дуб-дубли нура бурсикарирулра гIяхIси даражала суратуни дирес, секьяйдали илди къулайдикIулил хIясиббирес. Дила пикрили, пагьмулашал гьалавяхI вашес хIейрар, эгер архивлизир лерти суратуни хIерхIедиралли, гьалар сегъунти хатIаби дирутирил пикрихIебиралли ва гьанна се барсбарес хIяжатлил хIебалалли», — рикIи ил.
Заира МяхIяммадовас лебил Россияла суратунала конкурс балкьаахъуртала шайзирад чедирикнила ва ахирласи бутIализи дурарухънила Дипломти дедиб. Илкьяйдали ил Москвала Правительствола гьалабси миллатунала къуллукъунала шайчибси Советла бекIдешлиубси миллатуни-ургарти, регионти-ургарти бархбасуни ва этнотуризм гьаладяхI дашахънила комиссияла шайзибадси Грамоталичира лайикьрикиб. Заирала сурат конкурсла бегIлара гIяхIти суратунала буклетлизи каберхур.
Хайдакьла районна
администрацияла пресс-служба

 

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na fotoФотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-78978 от 20 августа 2020 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 66-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top