ЗАМАНА - ГIямрула шуртIрачи хIерхIеили…
ГIямрула шуртIрачи хIерхIеили…

Шимала хьунул адамтала БархIи ка­бизахъни — ши­ма­зиб хIер­би­рути хьунул адам­­­тала гIям­рула шуртIрачи пик­­­ри бяхI­чиаъ­ни­цун­ра ахIи, ил­дала бузерира, дурхI­нала че­лябкьла талихIчебси биахъес багьан­дан, да­­кIу­­дирути къайгъ­н­и кьиматла­дир­­нира са­би.

Ахъушала шилизиб гьан­бур­шули, ГIя­риш­кIала Маримла у кали саби: бегIтази гъай­­рикIули, рурсби школализи башахъес, илди багьудичебтили халабаахъес къайгъилизирси. Илала рурсбанира — ГIябидатли ва Загьидатли — чучила гIяхIтицун гьанбикуни калахъун. ГIябидат мугIяллимли рузули, чумра урши-рурси гIямрула бархьси гьунчи каиб, Загьидатли биал­ли, районна культурала гIям­ру­ла даража ахъбуциб, Ахъу­шала районнизиб бегI гьалаб «Дагъиста культурала рурибси хIянчизар» ибси у сархиб.
Ахъушала районнизирадси цаибил хьунул адам—чебяхIси даражала багьудиличилси тухтур сарри Уллучарала шили­зи­радси Хамис ХIусейнова; цаибил зоотехник сарри ХIям­­ши­мала шилизирадси ГIяй­­шат Ис­мягIилова, цаибил аг­роном — Куркирадси РяхIил Кьур­банова; чебяхIси даража­ла багьуди касибти цаибти мугIяллимтала лугIилизибадти саби Бутрила шилизирадси Хадижат Хадурова, Ахъушала шилизирадси Написат ХIяжиева, МухIела шилизирадси ПатIимат ГIябдуллаева, Уржагьимахьилизирадси Сакинат НикIамяхIяммадова, ТIан­тIарадси Марин Рабаданова…
Дахъал дусмазир Ахъушала шила Советлис бекIдешдирули калун ГIябидат ГIян­дие­вани, МухIела шила Советлис — ГIя­жа Кьагьаровани, ХIинтIала — Умужат ХIя­­сан­кьадиевани, Цуг­­ни­­ла — Муслимат Су­лай­ба­но­вани, ХIерх­­­ма­хьи­ла — Салимат ХIя­жие­вани.
Социалист Бузерила Игитла у сархиб кIел хьунул адамли: Усишала шилизирадси Ха­мис Казиевани ва Шукьтила шилизирадси Хамис Къам­бай­мя­хIям­мадовани.
Ахъушала районнис бекI­дешдирули калун — ПатIимат Къайт­бекова, ПатIи­мат ГIи­сае­ва ва Хамис ШяхIбанова.
ЧебяхIси ВатIа дергъла бу­­­­тIакьянчи сарри Ахъушала ши­­­­ли­зирадси ГIяйшат Жар­бае­­ва. Адамтани баркаллали­чил у гьан­буршули саби ХIя­жи­­­­­патIимат ЯхIъяе­ва­ла, Асият Мя­­­хIяммадгIялиевала, За­­гьи­дат ГIи­­саевала, Кьасум­хIя­­жила Са­­­ли­­хIят­ла, ГIя­мар­кьадила Па­тIи­­мат­ла, Буда Мя­хIям­­мад­ла Ха­­мисла… СССР-ла ВДНХ-ла бу­­тIа­кьян­чи сарри Ле­нинна уличилси кол­хозла звеньевая Па­тIимат Бя­хIян­­до­ва.
ИшбархIира дигалли районна бухIнаб, дигалли дураб нушала районнизибадти хьунул адамти, хIурмат сархили, бузули саби: Зумруд Сулайбанова, Сабият Казиева, Шагьризат Маллаева, Хамис Шамилова, За­лина МуртазагIялиева, Эльвира ХIясанхIусейнова, Сабият СягIидова, Раисат ГIисаева, ГIя­пи­пат КьурбанисмягIилова ва ба­хъал цархIилти.
Шила хозяйствола органи­за­циябазиб чебетаибси бу­зе­­риличил декIарбулхъули са­­би Загьидат Нестерова ва Ка­­лимат ГIя­марова — «Ахъуша» СПК-лизиб; Умуса­ли­ма­т МикагIилова ва ПатIимат Мур­­­та­загIялиева — «Усиша» СПК; Баа Ра­ба­­данова ва Хади­жат Бя­хIяммаева — С.Кьур­­ба­нов­ла уличилси СПК; Умагьан Мя­хIям­мадова — «Гъу­­лад­ти» СПК; Хадижат ГIя­ли­мя­хIям­ма­до­ва — М.Горь­кий­ла ули­чилси СПК.
ИшбархIи мицIирли агартала бунагь-хатIаличивад Ал­лагь чевверхаб, ва бузули лебалтас арати, разити гIямру кьа­дардиаб!

 

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na fotoФотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-78978 от 20 августа 2020 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 66-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top