Республикала МФЦ-базир да­хъал хъул­ра­чил­ти юртани тамай сагадирнила хIян­чи­­лис (капиталь­ный ремонт) харж­да­риб­ти арц чардарахъес им­кан­бикIули саби. Илди чар­дарахъес гIярза бел­кIес чебиркур. Па­чалихъла кунк­дешуначил пай­да­ла­би­кIути адамтани ремонт­лис арагIебси кьа­дар­лизир арц дед­лугути сари, кьан­­ниван илдала байхъу-хъяшси лу­гIи чарбиру.

Илдигъунти арц касес бирар гIергъити адамтани: 70 дус биубти, хIебузути ва сабицун хIер­­бирути юрт­­ла бегIтани (50 процентла кьа­дар­лизиб); 80 дус биубти, хIебузути ва сабицун хIер­бирути юрт­ла бегI­тани (100 процентла кьа­­дарлизиб); 70 дус биуб­ти, хъалибаргличил хIер­бирути юртла бегIтани (50 про­центла кьа­дар­­­лизиб); 80 дус биубти, хъа­ли­­барг­ли­ч­ил хIер­би­рути юртла бегIтани (100 про­центла кьа­дар­­ли­зиб).
Пачалихъла гIяхIдешуначил пайда­лаикIес багьандан, гIергъити документуни гьаладихьес чебиркур: арц декIар­да­рахъес гIярза; паспорт; СНИЛС; хъали вегI­дешлизиб биъни марбируси документ; домовая книга; гIярза бедлуганна ва иличил хIербирути хIебузни марбирути докумен­туни (бузерила книжка, лицевой счётла выписка); учидяхъибти арцла книжка (сберегательная), банкла яра цархIилти реквизитунала лицевой счётла выписка; гIярза белкIес гьалабси базлизир дедибти арцла кьадарличилси, марбируси документ.
ГIярза бедлуганна тамай сагабирнилис дедлугути арцла хIекьлизиб чебла лебли биалли, документуначил барх ил ахъахъес пурбанбируси вягIдара биахъес хIяжатбиркур.