Январьла 22-личиб, миллатла терроризмаличи къаршидеш дир­нила комитетла пред­се­да­тельла за­мес­титель Игорь Сироткинна бу­тIа­­кьяндешличил, Да­гъиста БекI В.Ва­сильевли ДР-лизибси тер­ро­риз­ма­личи къаршидеш дируси комиссияла заседание ду­раберкIиб.

Илала бузерилизир илкьяйдали бу­тIакьяндеш дариб ДР-ла Правительст­вола Председатель А.Здуновли, Да­гъиста Халкьла Собраниела Председательла цаибил заместитель С.ГIяхIмадовли, ДР-лизибси АТК-ла председательла заместитель – Дагъистан Республикала шайчибси Россияла ФСБ-ла Управлениела начальник О.Усовли, регионна шайчивси духIнарти къуллукъунала министр ГI.МяхIяммадовли, Дагъиста шайчибси Росгвардияла Управлениела начальник М.Баачиловли, АТК-ла члентани, НАК-ла аппаратла вакилтани, фе­деральный хIукуматла органтала мер-муса­личирти подразделениебала руково­ди­тельтани, шагьуртала ва районтала бургани.
Балбуцла дазурбазир 2018 ибил дус­лизир ДР-ли­зибси АТК-ли дарибти хIян­чи­ла баянти каиб, ишдуслизир дарес хIя­жат­ти хIянчила план тасдикьбариб ва масъулти пикридариб.
«Арбякьунси дуслизир нушала респуб­лика­ли­зир­ти аги-кьяйда гIяхIлашал хIи­саб­дирулри. ХIу­ку­матла ор­гантани гIяд­лу-зегъа далтахъути кабизуначил, жа­­ми­гIятла ва динна организациябачил дарх ду­ра­дуркIути далдуцунала кумекличил урехи камбиахъес ва низам-кьяйда гьунчидикахъес имканбакIиб. Ил шайчирти хIянчи даимдарес чебиркур», — буриб Вла­ди­мир Васильевли.
И.Сироткинни буриливан, цати цIакьа­на­чил республикала мер-мусаличир хIил­лаби дурахIедеркIахъес имканбакIиб, иличил дарх низам-кьяйда дулънила анцI­бу­­кьунира камдиахъес ва къачагъунала хIя­ракат тIашаэс.
Совещаниеличиб илкьяйдали ДР-ла информати­за­цияла, бархбасла ва дахъал коммуникациябала Министерстволи терроризмализибад мяхIкамдеш бирнила шайчиб халаси хIянчи бирниличилара буриб.