МягIничебси пай кабирхьни багьандан

Январьла 15-личив Дагъистан Республикала БекI регионна СМИ-бала журналистуначил гьуниваиб.

Балбуц Россияла печатьла БархIи дурабуркIнила дазурбазиб бетерхурсири. Бурес чебиркур, регионна БекIли республикала журналистунани бируси хIянчи ахъли кьиматлабариб. Суненира республикала лерилра газетаби-журналти, ил лугIилизир – миллатла мезаначир дурадулхъутира, дуслис къулбасдариб.
Гьунибаъниличир ДР-ла БекIли журналистунас пачалихъла шабагъатунира дедиб. Республикала БекI В.Васильевли, Дагъиста ишхIелла журналистика гьалабяхI башахънилизи мягIничебси пай кабирхьни багьандан, Баркалла багьахъур ДР-ла «Республикала «Замана» газетала редакция» ГБУ-ла бекI редактор Юсупов Арсен ГъазимяхIяммадовичлисра.
Шабагъатлабарибти СМИ-бала вакилтас илкьяйдали машгьурси модельер Шамхал ГIялихановли сунела автордешла бейсболка, муридешла искусствола шайчир дунъяла чемпионатличиб мургьила медаль сархибси Шахсалан ГIисаевани биалли — гьариллис балбикибси, хасси торт пешкешдариб.