ЗАМАНА - Яшавла даража ункъбирахъу

Декабрьла 17-ли­чиб­ Дагъиста БекI В.Ва­си­льев­ли­ республикала хIу­ку­мат­ла законти ду­райъ­нила, ис­полнительный ва му­­ни­­цип­алитетла органтала ру­­ководительтачил совещание ду­ра­­беркIиб.

Балбуцличир ДР-лизирти ис­­полнительный органтала 2018 ибил дусла бузерила бая­н­­тачила ва 2019 ибил дуслис да­рес хIяжатти бекI­ли­диуб­­­ти­гъун­ти хIянчила масъулти хIер­да­риб.
ДР-ла экономикала ва мер-муса гьаладяхI дашахънила шай­чивси министр ГI.Хас­бу­ла­товли Дагъистайзир 9 базла баянти хIясибли 15 азир бузерила мер акIахъес им­кан­бакIниличила буриб.
ГIур шила хозяйствола ва берк-бержла масанала министр ГI.ГIябдулмуслимовли гье хIя­дур­дирниличила ва Дагъистайзир тIутIила сагати унхъри удалтнила масъайчила багьахъур.
Регионна БекI В.Васильев ви­кIи: «Дурала улкназирад хиб­ти гьела мерлар вегIли да­кIа­хъибти гье пайдаладирнила гIяхI­дешли берк-бержла масани пайдаладирес урехиагартили детарар».
ДР-ла Правительствола Пред­­седательла заместитель – ДР-ла гIилмула ва багьудила министр У.ГIямаровани сунечи хъарбарибси участоклизибси агиличила буриб. ХIябал сменализиб дурхIни бучIахънила даражаличила бурухIели, илини гьанбушиб 2021 ибил дуслизиб ил кабиз агарбарили бирар или.
Школабазиб бузахъес багьу­­дичебти педагогуни хIя­дур­бирниличила балахъули, Дагъиста БекIли ишкьяйда буриб: «Асубирули биалли, даширая педагогуни цаибил курслизибадал хIядурбирехIену. Илдигъунти учительтас лугути арцра имцIадирехIе. Дубурла мер-мусаличирти диштIати ва халати шимазирти школабазиб бузутас 1 миллион къуруш лугули саби гьанна. Шимазибадли адамти архIебашахъес багьандан, илдас хIяжатти шуртIри алкIахънила масъалализир дузесра чебиркур нушаб».
У.ГIямаровани жузачил шко­лаби гIердурцнила масъайчи хасси пикри бяхIчиаэс хIя­жатли биъниличила буриб. Илини илкьяйдали гьанбушиб 8-ибил классла дурхIнас учебникуни ва пособиеби тIа­лаб­дирнила мурадличил вягI­да бал­кьаахъниличила ва ОВЗ-ли­чилти дурхIнасра жузи тIа­лаб­дир­ниличила. Илала дурабадлира, бехIбихьудла классунала дурхIнас 8 миллатла мезанала 160 азир жуз асили сари.
«ИшбархIи чекайзес хIя­жатли саби дурхIнази гьалаб кьяйда «ХIушани жузи асая!» хIедикIесли. Школабала библиотекабала фондлизирадли сасили жузи хIе­дир­ца­хъес багьандан, тукенти ахтар­ди­ди­ре­хIе нушани. Ил секIайс ахир ка­бихьес хIя­жат­ли саби»,— буриб республикала руководительли.
Республикализир юртани лушнила ва ЖКХ-ла масъултачила баянти гьаладихьиб Малик Баглиевли. Илини илкьяйдали буриб республикализибти 764 адамли чула яшавла шуртIри ункъдарахъес багьандан 978 миллион къуруш арцла касниличила.
Илини дурутачи лехIизурли гIергъи, В.Васильевли им­цIа­­бариб: «Иличила улкала Президентлира багьахъурсири. ИшбархIи нушани балес хIя­жат­ли саби улкали декIар­да­­рибти арц чина аркьулил. Адамтани умути шинра пайдаладирули, илди хутIличил ва газличилра гIеббуцахIеллира камси секIал ахIен».
ГIур В.Васильев чарухъун хутIличил адамти гIеббурцнила масъайчира. БегIлара къиянти мер-мусаличир гьанна къулайдешуни алкIахънила хIянчи детурхули сари. Дубурла авал районнизир ил шайчирти хIян­чи ункъли детурхули сари. Илди районтала адамтачи республикала БекI дугьаизур хутIла масъала ирзнила хIянчи детурхули лерай адамти хутI мяхIкамли пайдалабирниличи чекабизахъес багьандан. Илала гъай хIясибли, дубурлантас ил Сагаси Дусла савгъат саби. Челябкьлализибра илдани хутI чус дигуси кьяйда пайдалабирес имканти алкIули сари.
ГIядатла дагъистанлантала гIямрула ва яшавла шуртIри ункъдиахъес багьандан чула бузери жигарчеббарахъес жибариб регионна руководительли балбуцличи цалабикибти.

 

Прочитано 306 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na foto     Фотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-67486 от 18 октября 2016 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 65-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top