Украинала хасси бал­­буцлизир бутIа­кьян­деш дирути даха­даев­лантани ВатIа хъар­бар­кьуни тамандирни багьандан, улкали шабагъат­бир­ниличила ба­гьахъниби дашули сари бур­гъан­тала бегIтачи. ХIера, къул­лукъ­бируси манзиллизир гъаб­за­деш дакIударни багьандан гьа­лавван Россгвардияла «Къул­­лукъ­бирнилизив де­кIа­рулхъ­ни багьандан» ибси ми­хъирличи бир­шуси лишайчил ша­ба­гъат­­лаварили сай СВО-лизир бу­тIа­кьяндеш дируси Кьялкнила шилизивадси Казимхан Ибиев. Ил декIар-декIарти медальтачил ва ордентачил шабагъатлаварнира дигеси саби. Илдазирадли сари «Дявила анцIбукьунала ве­те­ран», «Дявила хасси балбуцла бу­тIакьянчис» бикIути медальти ва цархIилти.

Хайдакьла районна Бар­шамайла ши­ли­зивадси сер­жант Ильяс Мустапаев Украи­нализиб бе­тур­хуси Россияла дявила хасси бал­буцлизир гъабзадеш да­кIу­дарни багьандан, Суворовла медаль­личил шабагъатлавариб.

Бургъантас медаль­тира ор­ден­тира дед­луг­ни ва илди ша­багъатлабирни гIяхIси саби. Амма лебтасалра илди чула бегIтачи мицIирли чарбухъни бегIлара чебяхIси ва чихъси ша­багъат саби. Илгъуна ша­б­агъат кьисматли саби кьа­дарбирахъусира. Россияла гьа­рил ургъаннис илгъуна ша­­багъат кьадарбиаб ва ле­билра солдатуни чула неша­начи, узби-рузбачи, дурхI­на­чи, шантачи арали ва че­диб­дешличил чарбухъаб.

Гьарил шила багьа ахъбурцуси багьадур камируси ахIен. Ил­гъуна шантани пахрубаресил ур­­ши айкьурси хъалибарглара хIурмат-кьи­мат ахъти дирар. Украинализиб хасси бал­буц бехIбихьибхIейчирадли Да­ха­даев­ла районнизибадти бургъантани игит­ти бар­кьуд­луми дурадуркIниличила ба­­гьахъ­ни­би дашули сари илдала хъа­ли­ба­р­гу­начи. Кьялкнила шилизивадси Арс­лан­бек Ра­ба­за­новлис Суворовла ва «Дя­вила асилдеш багьандан» ибти медальти дед­ниличила хабарлира кьялклантицунра ахIи, лебилра дахадаевлантира пахрули би­цIахъиб.

СягIид Ниналалов, Росссияла писательтала Союзла член: ­«Сергей ГIялимовичли Да­гъистанна Халкьла Собраниела ва Правительствола гьала Мя­хIяч­къалала-Каспийскла агломерация гьалабяхI башахънила ва ил шайчирти аги-кьяйдаличила мягIничебси масъала ахъбуциб. Илди лерилра суалти, ил лугIилизиб – Каспи урхьула дублара, гьунчидиркахъуси закон хIя­ду­рбарес чебиркур.

Арсен Юсупов, «Дагъистан» этноме­ди­ахолдингла руководитель, «Замана» газетала бекI редактор: «Рес­­публикала БекIли сунела Дугьа­биз­лизиб гъамси заманалис Дагъистанна Правительстволис лерилра бяхI­чибизуни хIясибли бузерила программа белгибариб — багьуди, арадеш бихIни, гьундури къулайдирни, экономика гьалабяхI башахъни. Дугьабизличил дарх хасти гунзрира кацIни, аргъбаибти масъулти гIягIниси тя­хIяр­ли гьунчидикахъни дебали мягIничебси саби.

Хайдакьла районнизиб Россияла Ярагъладарибти ЦIакьаназиб къул­лукъбарахъес жибирнила хIяракат бетурхули саби. Апрельла цаличиб бехIбихьибси ил июльла 15-личи бикайчи бетурхуси саби.