Гьалабван Ахъушала шила куль­турала КIялгIялизиб ДР-ла культурала урибси хIянчизар, поэт-сатирик ва шягIир МяхIяммад ГIяб­дуллаев (Писки) гьаниркахънилис хас­ба­рибси балбуц бетерхур.

Январь базличир Даха­даев­ла район­на школь­никунала дагь­­­­ри­лизир мурхьти къел кав­лахъунти, патриот бяркъ луг­нилис хасдарибти дал­ду­цуни дурадеркIибтири.

Январьла 29-личиб Дагъиста БекI В.Ва­си­льевли, «Дагъис­тан Республикализир шила хо­зяйствола культураби ва гье дашахънила аги-кьяй­даличила» ибси ма­съ­ала ахъбурцули, со­ве­ща­ние дураберкIиб. Илар бу­­тIа­кьяндеш дариб Фе­де­раль­ный пачалихъла бюд­жетла гIилмула «Фе­де­раль­ный гIилмула духъ­луми да­шахънила центр» ибси уч­реж­дениела директор А.Сол­да­тен­конира.

Январьла 22-личиб, миллатла терроризмаличи къаршидеш дир­нила комитетла пред­се­да­тельла за­мес­титель Игорь Сироткинна бу­тIа­­кьяндешличил, Да­гъиста БекI В.Ва­сильевли ДР-лизибси тер­ро­риз­ма­личи къаршидеш дируси комиссияла заседание ду­раберкIиб.

Ишди бурхIназив ДР-ла Пра­ви­тельст­вола Предсе­дательла Цаи­бил за­мес­титель А.Карибов бу­зерила ар­хIя­личил Избербаш шагьар­лизи вякьун.
Избербаш шагьарла бекIла къуллукъуни заманалис дузахъуси М.ГIисакьовли, ДР-ла культурала министрла цаибил заместитель М.Телякавовли, ГI.Батирайла уличилси Даргала музыкала-драмала театрла директор Р.Чараковли ва хъулри лушнила хIянчи дируси «СМП» ООО-ла вакилтани гьуниввалтуси илини цIа дикили гIергъи сагабарибси театрла Юрт хIербариб.

ДАССР, гьаннала Дагъистан Рес­пуб­лика, акIахъубси БархIила хIур­матлис Дахадаевла рай­он­на бекI Жаруллагь ГIямаровла буй­рухъ хIясибли, гьаларван районнизир де­кIар-декIарти шадлихъла далдуцуни ду­ра­дер­кIиб.
Районна дахъалгъунти организациябазир конкурсуни, выставкаби, спортла хIязани ва цархIилти далдуцуни детерхур.

МяхIячкъалализиб «Газпром межрегионгаз» ГРО ООО-ла ва «Газпром газораспределение»-ла хIянчизартани газ пайдалабирухIели мяхIкамдеш бирнила ва нукьсанде­шуни гьардирнила шайчир ахтарди дураберкIиб. Илди хIянчила дазурбазиб дахъал дерхIанар юртаназир газла гIягIниахълуми сегъуна даражаличир сарил ахтарди­дариб. Гьалабван Энгельсла кьакьализибси 55 ибил 100 квартираличилси юртлизиб ахтарди дураберкIиб.