f ok v in t y        Версия для слабовидящих

   Без возрастных ограничений

Иличила хъумхIерту

Ишди бурхIназиб МяхIячкъа­ла­лизиб пачалихъла ва жамигIятла ха­бардерхурси хIяракатчи МяхIям­­мад-Салам Ильясович Умаханов акIуб­­хIейчирад 100 дус дикнилис хас­барибси шадлихъла собрание бетер­хур. Бахъал цархIилти собраниеличи ба­кIиб­­тачил барх Лавашала районна вакил­тала кьукьяра лебри.


Москвализивад балбуцличи вархьибси РФ-ла Президентла Администрациялис бекI­дешдиранна заместитель М.МяхIяммадовли В.Путинна шайзибад мубаракла саламтала кагъар белчIун. «МяхIяммад-Салам Умаханов урехиагартала, ур­кIила халаси цIакьла бегIтала, чедибдеш сархутала наслулизи керхурси адам сайри. Илини, жавабкарти къуллукъла хIян­чурбачив вахъхIи узули, Дагъистан гьа­лабяхI башахънилизи халаси пай кабихьиб. Вирхулра, Дагъиста дахъал миллатунани хъумхIерту чула марси урши, пергер адам ва улкала гьарли-марси патриот МяхIяммад-Салам Ильясович Умаханов», — белкIири илизиб.
Азербайжанна Президент Ильхам ГIялиевла шайзивад мубаракла гъай дуриб Президентла кумекчи ГIяли ХIясановли.
Дагъиста Халкьла Собраниела Председатель Хизри ШихсягIидовли МяхIяммад-Салам Умахановла бекIдешлиуб Дагъистан дахъал шалубазиб гьалабяхI арбякьун или чеимцIабариб. Ил М-С.И.Умахановличил барх бузути М.МяхIяммадовличи ва М.ГIялиевличи дугьаизурли, илдала бекIдешлиур Дагъистай сархибти чедибдешуначила гьанбикахъиб.
ГIяхIли гъайбухъи гIергъи, М-С. И.Ума­хановличила документальный фильм чебаахъиб. Балбуц Дагъиста гIяхIтигъунти гIяртистунани хIядурбарибси концертличил таманбариб.
Лавашала районна администрацияла пресс-служба

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru