f ok v in t y        Версия для слабовидящих

   Без возрастных ограничений

ГьатIира дахъал ­сархибдешуни диаб!

Арбякьунси жу­мягI­лизиб ДР-ла БекI­ла къул­лу­къу­ни за­маналис дузахъуси Вла­ди­мир Ва­сильевла хъарбаркь хIя­сиб­ли, «Россия – имкантала ул­ка» бикIуси коммерцияла ахIенси лебил Россияла ор­га­низацияла икьайчил рес­пуб­ликала «Дила Да­гъистан» би­кIуси бекI­деш­дирантала кон­курс ахир­личи бикиб ва баянти каиб. 

07 сен 2018 0 комментарий   ПатIимат Мирзаева

Ил конкурсличи РФ-ла, ДР-ла гIяхIцад районтази­рад­ ва шагьуртазирад бекI­деш­­дирантани заявкаби гьа­ладихьибтири. Ца шайчиб ка­хIелун Сергокъалала рай­онра. Баягъи ил конкурсличи заявка бедибсири «Сергокъалала район» МР-ла администрацияла му­ниципалитетла лебдеш­ла, исути масанала ва шимачил бархбасуни кадилзахънила шайчибси отделла начальник Рукьият ГIяхI­ма­до­ва­нира.
ГIяхIмадова Рукьият Мя­хIяммадовна акIубси сари Сергокъалализир. 1992 ибил дус­лизиб Сергокъалала кIиибил школа «шула» кьи­матуначил таманбариб. 1997 ибил дуслизир ДГПУ-ла психологияла отделла би­ологияла-химияла факультетлизи карерхурсири. 2005-ибил дуслизир Да­гъиста шайчибси РФ-ла юстицияла Министерствола правовая Ака­демияла юридический фа­куль­тетлизи ка­рерхурсири ва ил ункъли хъараахъурсири. МВД-ла ка­бизлизир 20 дус ру­зули ка­лун. ГIяхIси къуллукъ багьандан, РФ-ла МВД-ла кIел медальличил, руководствола шайчибад — баркаллала ка­гъарличил ва грамотаба­чил ша­багъатларарибси са­ри.
Гьанна Рукьият ГIяхI­ма­дова Сергокъалала администрациялизир рузули сари.
«Дагъиста челябкьла якьин­­­барес багьандан дагьричебти адамти чеббикIес бу­­зесаибси саби конкурс. Кон­­курсличир бу­тIакьяндеш да­рес 11 азир заявка дархьил­ри. Конкурсла лерилра хъарбаркьуни къиянтири, ам­­ма дебали тамашалати­ри. Конкурсла ахирличи ду­ра­­рухъни челябкьлали­зиб гIяхI­си хIянчиличи кари­эс имкан алкI­­­нилис ха­ласи сабабли бе­­таурли саби. Конкурсличир ну чедириркниличи рирхули бар­хьибсири заявкара. Кон­курс­личиб чедибикибти ле­билра бутIакьянчиби ДР-ла Пра­вительствола бекI­деш­ди­ран­тала резервлизи каберхурли саби», — конкурсла хIекь­ли­зир­ти сунела пикруми ду­риб Р.ГIяхI­мадовани.
ДР-ла БекIла къуллукъуни за­маналис дузахъуси В.Ва­си­льевли илис хасси кубок ва сертификат де­диб.
Гьанбуршисра, ил конкурс бузесаибсири рес­пуб­лика яшав­ла-эко­но­ми­калашал гьалабяхI баша­хъес багьандан дагьрира хIядурдешра лерти адамти декIарбарес. Конкурсла баянти хIясибли, 54 адам чедибикили саби. Чедибикибтала сияхIлизи карерхурли сари хIурхъан Рукьиятра. Иличибли багьесли саби ил дебали дагьричерси риъни, сунела санигIят ункъли бални ва адамтачил рузес бални. Дагъистайс дебали мягIничебси конкурсличир, Правительствола даражаличиб Сергокъалала район ахъли кьиматлабарили, ил чедирикни разиси анцIбукь саби. Иличи пахрухIебарес хIейрар.
Илгъуна сархибдешличил Рукьият нушанира мубаракрирулра. Бузерилизир гьатIира дахъал гьарбизуни диубли дигулра. ГIямрула ва бузерила ганзухъуначирад мурталра гьаларяхI рашахъес гIяхIси арадешра булгулра!

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru