f ok v in t y        Версия для слабовидящих

   Без возрастных ограничений

Илдас дебали гьарбизур

Даршуси манзил биалра, дявила гьундури ахъибси Игит Юнус-Бек Евкуровли республикалис бекIдешдирни ингушлантас гьарбизни саби. Илала биография гъабзадешличила бурути баянтачил давлачебси саби.


Россияла машгьурси хIяракатчи, Россияла Федерацияла Игит Евкуров Юнус-Бек Баматгиреевич акIубси сай 1963 ибил дуслизив Северная Осетиялизибси халали ахIенси Тарское бикIуси шилизив. Илдала хъалибарг халасири – 12 дурхIя лебри. Юнус-Бекла 5 рузира 6 узира леб. Евкуров акIубси шилис гьанна Ангушт бикIули саби. Юнус-Бек Евкуров учIули калун Бесланнизибси школа-интернатлизив.
БелчIуди таманаили гIергъи Евкуровли Тихий океанна флотла урхьула пехотализиб къуллукъбарибсири. ГIур Рязаньнизибси гьавала-десантла училищелизи керхур. Илаб составла командирти хIядурбирутири. Белоруссияла разведротализиб къуллукъбирулира калун. Фрунзела уличилси академияра таманаиб Юнус-Бек Баматгиреевичли. Гьавала-десантла гIяскуртазив командир ветаур. Чечнялизир детерхурти дургъбазир бутIакьяндеш дариб.
Илкьяйдали Евкуровла разведкали белгибарибти чечентани ясирбуцибти ВатIа 12 бургъан азадбатахъуртири итхIели. Ил хасси балбуц дурабуркIнилизир суненира бутIакьяндеш дарибтири. Ил командировкаличи вашусири дурала улкназира. Илкьяйдали илини Россияла контингентла кьукьяличил барх бутIакьяндеш дариб 1999 ибил дуслизир Босниялизир ва Герцеговинализир детерхурти дургъбазир. ИтхIели илала майорла у сабри. Илини ГРУ-ла бургъантачил барх десантла батальон бакIайчи Слатин аэропортличи хIеруди бирули калунсири.
2000 ибил дуслизиб илис Россияла Федерацияла Игитла у бедибсири. Слатинничи хIеруди барес ибси кьасличил илини нушала десантникунала Пришталичи марш-бросок дураберкIнилис гибси саби илгъуна у или бурули сай Евкуровли.
2000 ибил дуслизиб Евкуров Юнус-Бек Баматгиреевичли Генеральный штабла академия таманаиб.
2008-ибил дуслизив Юнус-Бек Евкуров Ингушетияла президент ветаурсири. Халкьла Собраниела депутатунани цауркIли ил къуллукъличи викIибсири. Республикала бюджетла арц харжхIедарес багьандан илини инаугурацияра хIебарибсири.
КIинайс республикала бекI виркIухIелира ил калунсири. Политикала «Цаси Россия» партияла чебяхIси Советлизи кархуси сай.
Дахъал шабагъатуначил шабагъатлаварибси сай.
Сунела гIямрула марси гьалмагъ Марета Кодзоеванира илинира авал урши – Рамазан, МяхIяммад, Берс, Итар ва рурси Дали абилкьули саби.

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru