f ok v in t y        Версия для слабовидящих

   Без возрастных ограничений

Журналистунала мажлис бетурхар

Ингушетияла хIу­ку­матли Се­вер­­ный-Кавказла фе­де­раль­ный­ округла (СКФО) СМИ-бала ноябрь­ла 30-йчибадли декабрьла ца­ли­чи би­кайчи Магаслизиб ду­ра­­бер­кIес гIягIниси маж­­лис­личи гьан­надал хIядур­деш бирули са­би.


Выставкаби дурадеркIес хIяжатти мер-муса белгидарес багьандан чIала­бу­шибсири Северный Кавказла СМИ-ла Шуэсил мажлис хIядурбирнилизиб бузуси комитетли октябрьла 25-личиб бетерхурси заседаниеличиб.
Регионна бекIли мажлисла далдуцуни чинар дурадеркIес хIяжатлил белгибарахъес хъа­р­бариб. Илала гъай хIя­сиб­ли, Ингушетияла дубурла мер-муса, илабси тIабигIят ва гьаларла кIялгIни чедаэс хьул­би­кIу­тас экскурсияби диру.
Мажлисла бекIлидиубти­гъунти далдуцуни дурадуркIути сари Ингушетияла пачалихъла университетла гIилмула биб­лиотекала юртлизир. КIел дерхI­личир выставкабас далкьаахъурли 25-личирадли 30-йчи би­­кайчи квадратный метрла чIя­­барличилти гехIел площадка лер.
Мажлисличир бутIакьян­деш диру СКФО-ла лерилра регионтазибадти СМИ-ла 500 вакилли. Ил балбуцла бекI­ли­биуб­сигъуна мурад саби мажлисла бухIнабуц сагадешла тIалабуначи балбикахъни ва ил мягIничебсили бетаахъни.
Мажлисла бекIлибиуб­си­гъуна хасдеш саби ил балбуцличир Закавказьела лерилра пачалихъунала вакилтани бу­тIа­­кьяндеш дарни ва журналистунани Россияла бархкьябачил (коллегабачил) барх цабалги бузери жигарчеббарни.
Мажлисла дазурбазиб гIя­датлибиубли ахирличир баянти кайути сари. Илаб «Медиа Кав­каз» конкурсличиб чедибикибти шабагъатлабирути саби. Иш­дуслизир 16 сани­гIят­лати ша­лубазир (номинациябазир) 357 хIянчи гьаладихьили сари.

Администратор сайта. Начальник комьютерной базы.

                          Написать сообщение

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru