f ok v in t y        Версия для слабовидящих

   Без возрастных ограничений

Гъабзадешла хIячми

Адамлис дахъал секIал дарес хIя­жатти ахIен маш­гьуриэс багьандан. Илала ца баркьудили гIялам халкь тамашабирахъулира бирар. Яра вайла шайчиб, яра – гIяхI­ла. ГIяхIла шайчиб ну­шачи асарбирути жа­гьил­ти алкIни ишбархIи ле­б­гIеб ха­ласи игъбарлизи хал­ба­ресра вирар. 

24 нояб 2017 0 комментарий   ПатIимат Кьурбанова

ХIера, гIядатла дубурланна хъалибарглизив акIуб­си уршили лебилра дунъяла адамтала дагьрилизи гъабза­дешла гье дегIун. Амма ил се­кIал сунела жан кьурбандарили­ бетаур кьадин. Ил дарган урши ВатIан бицибти хIявбу­цIала някълизи хIейкибси виалри, полицияла хIянчизарличила су­нела шила дураб чи­лилра селра хIе­ба­гьес асубири.
КIел зурбаси цIакь - гъабзадешла ва убяхIдешла дяхI-дяхIли къаршидикибхIели, гъабзадеш чедидикнилис бикьрили ветаур МяхIяммад НурбяхIяндов. Чили бала, Дубуртар Улкали абикьурти илдигъунти багьадурти гIурра сецад лебал. Нуша итдигъунтира яра ишдигъунтира или тIяхIхIебикIули хьалли. Илкьяйдали нушала хала бегIтачирадли даибти адамдешла ва кабизалачебдешла гьунарти ишбархIи дубурлантазир дакIудулхъухIели, пахру хIебаресра хIейрар.
Илала баркьудилис кьимат бедни саби нушала улкализирцунра ахIи, дурала улкназирра Игитла суратуни машинбачи даршни. Жагьилтани илала гIямрула жили детаурти «Дузеная, узби!» ибти дугьбира суратличил дарх халати хIурпрачил машинала шишаличи лукIулицунра ахIи, илди дугьби чула дагьрилизи, уркIилизи ва мехIелизи хIиличил минадирули сари. Илкьяйда барибси уршили ВатIан хIебирцу, хIяжатбикалли МяхIяммадван бебкIала дяхIличи хIерикIули, неш-ВатIан багьандан, челябкьла багьандан сунела гIязиз жан кьурбандиру.
ХIера, Смоленскла областьла губернатор Алексей Островскийли жагьилтас патриот бяркъ бедес багьандан ва НурбяхIяндовла игитси баркьуди даимлис хъумхIертесили бетаахъес или «Къуллукъбирнилис мардеш багьандан» ибси ишара акIахъубли сай. Дагъиста лебилра жамигIят илгъуна баркьудилис баркалла бикIес хIяжатли саби. Илдигъунти баркьудлумани НурбяхIяндовла гъамти-тухумтачибадли бехIбихьили, хаслира сунела школала гIямрула уршби, лебилра жагьилти игитдешла гьунчибад умутличил ганзбикIахъес гьирбирули саби. Вирхес вирар, илди сеналра илгъуна гьунчибадли чебхIебулкIан. СенахIенну гъабзадешла хIячмачиб чIумаси селра бируси ахIен.

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru