f ok v in t y        Версия для слабовидящих

   Без возрастных ограничений

Нешанала хIурмат

Россияла нешанала БархIи — нушала хIу­ку­матли гьанна кьан­ни байрамван дурабур­кIуси бар­хIи саби Илини жибирули са­би адамти нешанала кьадри ба­лахъес ва илдала хIурматби­рахъес.


1998 ибил дусличибад бехIбихьили нешла бархIи ноябрьла бегIла гIергъиси алхIят бархIи гьар дуслизиб байрамван дурабуркIуси саби. Нешани мубаракбарес нуша ишди бурхIназир дехIдихьира. Мя­хIяч­къалала мукъри дура­дуркIуси ца заллизиб ил бар­хIилис хасбарибси балбуц дураберкIили саби. Илала мурад гьар бархIи нешанани бируси хIянчила кьадри багьахъни саби. Ил балбуцличир нушала бурибти гIяртистунани нешанас далуйти делчIун ва делхъ дариб. Начурбала театрлира сценкаби чедаахъиб.
Нешани байрамличил мубаракбарес бахъал къуллукъла хIянчизартира бакIиб. Илдала лугIилизиб Пачалихъла Думала депутат Р.Баталова, МяхIячкъала шагьарла бекI М.Мусаев, илала заместитель З.Алхасов, Кировский районна бекI С.СягIидов, МяхIячкъала шагьарла вачарла Управлениела начальник ХI.Абакаров ва цархIилти.
«Россияла нешани» бикIуси ДР-ла жамигIятла хIяра­катла председатель Т.МяхIям­ма­дова илар гъайрухъун. «Ишгъуна балбуц нушала республикализиб авнайс дурабуркIулра»,— рикIи ил. — Нушала балбуцличи кира республикала районтазибад ва шагьуртазибад кIикIел ва гьатIира бахъал биштIати лебти хъалибаргунира. Илдала дурабад — низам-кьяйда далтахънила органтазиб бузути бехIемцIлизи бикили бебкIибтала (кабушибтала) нешанира».
Байрамличил Дагъис­та не­шани мубаракбариб М.Му­саев­лира. Каспийск щагьарла мэр М.ГIябдуллаевли хал­кьа­ни-угабси исламла бизнесла ассоциацияла шайзирад нешанас савгъатунира дедиб.
МяхIячкъалала мэр Муса Мусаевли баркаллала ванати гъай дуриб Россияла Игит МяхIяммад НурбяхIяндовла неш Кумсият НурбяхIяндовас:
— Нешли пахрубирес гIягI­нили саби уршили барибсиличи. МяхIяммадла гьунар нушала улкализибцун ахIенну, дунъя­ли­чибра халкьли хъумуртуси ахIен. Нуни валусири ит урши. Илала гьунар, хIули липIалра хIе­­барили бебкIаличи хIе­ри­кIули, бебкIаагрилизи ганз кацI­­нилизиб саби. Лерилра ну­шара хIядурли диэс гIягI­ни­­тира илгъуна гьунар барес, сен­­кIун нушани балтахъес гIягI­­­нили саби хъалибарг, неш ва ВатIан.
Баркаллала гъай дуриб ГIябдурашид НурбяхIяндовла нешлисра (МяхIяммадличил кавшибси илала узикьарла неш) Росгвардияла отделениела командир ГIябдулла Кьурбановла хьунуйсра.
«Россияла нешани» би­кIуси лебил Россияла жами­гIят­ла хIя­ракатла председатель В.Петренкола шайзирад не­­шанас грамотабира дедиб. Бал­­буцличи кибти нешанас ме­даль­тира, арцра, вавнира дедиб.
УрчIемал биштIати абилкьуси Буйнакъсклизирадси С.Ра­­базановала хъа­ли­­барг­ли­­зиб цагьатIи виш­тIа­си­личи хIер­­­ли саби. Балбуцлличир ил­ра лерри.
— Баркалла хIушаб илгъуна хIянчи дураберкIнилис,— рикIи ил. — Наб гьанхIебикиб нура иша тIалабрирура или.
МяхIячкъала шагьарла
Администрацияла пресс-службала Управление

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru