f ok v in t y        Версия для слабовидящих

   Без возрастных ограничений

Шимази архIяличил

ГIямарла Батирайла уличилси Даргала музыкала-дра­ма­ла театр Дахадаевла рай­онна Шаласи шилизи спек­так­льличил бякьун.


«ХIейгу-хIейгули дяхънуша ветаурси» бикIуси спектакль чебаахъибсири ДР-ла культурала Министерствола «Сценала устни — Дагъиста адамтас» ибси проектла дазурбазиб. Илис хьулчили касибси саби XVII ибил даршдусла французский комедиограф Жан-Батист Мольерла хIябал актла пьеса.
«ХIейгу-хIейгули дяхънуша ветаурси» постановкала дайлаб – къалмакъарли биркьути мурул Сганарель ва хьунул Мартина саби. Медицинализиб селра хIебалуси, амма серхурси Сганарельли халаси гьарбизличил бузахъули саби сунела сагаси бяхIчибиз. Игитлис латынь багьес ва ахирличи бикайчи пагьмучевси дяхънушала гIердирес чевкъули саби. УркIи гьаргти зягIиптани илала бузери бацIли балтули ахIен.
Палтарличил, баркьудлумачил ва хIял-тIабигIятличил гIяртистуни французская пьесаличи хасти заманала дарсдешуни чедаахъес бажардибикиб. ХIербикIутазивад цали иличила буриб: «Комедия наб дебали гIяхIбизур: гIямрулизиб биэс бируси анцIбукь, гIяр­тис­тунала пагьму ва режиссерла бекI мягIна. Илгъуна дукелцIи алкIахъуси постановкалис баркалла. Комедияла жура хIерикIусила дукелцIи алкIахъниличи, гьав ахъбирахъниличи бяхIчиаибси саби. Ролани дузахъути гIяртистуни ил мурад бетерхахъес ункъли бажардибикиб!»
Спектакльличи хIербикIес бакIилри Шаласи шила 80-цад адам. Илав левси шила администрацияла бекI ХIяжи­бяхIяммад Мирзаевли буриливан, Даргала театрла гIяртистуни чучи бакIнилис шанти баркалла бикIули саби.

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru