f ok v in t y        Версия для слабовидящих

   Без возрастных ограничений

Сегъунти масъулти гьунчидиркахъути?

Россияла Президент Вла­д­имир Пу­тин гьан­на руш­бат­чи­дешлис къар­­шидеш дирнила хIя­­ра­кат бе­тур­­хуси, сабира Пра­ви­­тельстволичи ва район­на хIу­­­­ку­матличи къячбикунси, Да­гъис­­тан Рес­публикализи бу­зе­рила архIяличил ва­кIиб. Па­­ча­лихъла БекIли Дагъиста жа­­ми­гIят­ла вакилтачил их­ти­­лат­бариб ва рес­публика гьа­­ла­­бяхI башахънила масъул­тала шай­­чиб совещание дура­бер­кIиб.

16 март 2018 0 комментарий   Нушала корр.

Мерличибси администрацияличил гьуниваэс гьалав ил Дагъиста гIядатла адамтачил­ гъайухъун. Ихтилатлизир бу­тIа­кьяндеш дариб БотIлихла ва ЦIумадала районтала жа­ми­гIятла вакилтани. Илдазибад ца­цабехIтачил Владимир Путин къаршивикибсири 2000-ибти дусмазивра, къачагъунас къаршидеш дирнила балбуцлис гIергъи республикализи ва­кIиб­хIели. Гьанна, илдачил Дагъистайзирти аги-кьяйда пик­­ридирули, улкала Президентли рушбатчидешла ма­съа­ла­личи хаслира пикри бях­I­чиаиб.
Ил викIи: «Регионнизир да­хъал масъулти лер, иличила, хIур­матла дархкьяби, хIу­ша­нира ба­лулра. Илкьяйдали, республикала бюджет хъарихъули саби дота­циябачи ва субсидиябачи. Муртрил – иш­­бархIира гьунибаъниличиб иличила гьан­бикахъира – Да­гъистан до­­та­ция­бала республикали бируси ахIенри, ургIебли, сунела замана­ ил донорли бирусири. Дарх пик­ри­духъес чебиркур, бегI гьалабси яргализиб ил хIушала мурад са­би, амма федеральный центрла икьалаличил Дагъистайчи илди аги-хIял чардухъахъес гIягI­­­нили саби, Дагъистан фе­де­­ральный бюджетлизирадти до­­тациябазибад ва субсидияба­зибад 70 процентла хъарсили хIе­­биахъес багьандан. Гьай­гьай­ра­гу, ул­ка гьалабяхI башахънилис гьар­ли-марси гьалабизли бе­тарули саби рушбатчидеш. Иличила нушани балулра. Ил балагь Дагъистайчицун ахIен хас­си. Нушани ишбархIи иличила гьанбикахъира. Буралли, иличила лебилра улкали балули са­би. Иличи дяхIигули сари Россияла востоклара, западлара, юглара, се­верлара шайчирти регионти. Илгъуна масъала улкализиб леб. Ил изай Дагъистанра ца шайчиб калахъи ахIен».
Республикала адамтачилси сунела ихтилатла черкадти пикрумачила буриб улкала Президентли Дагъиста БекIла къуллукъуни заманалис дузахъуси В.Васильевлизира. Иличил В.Путинни регион со­ци­­а­льный бяхIчибизлизиб-эко­­­номикализиб челябкьлали­зиб­ гьалабяхI башахънила ма­съул­ти пикридариб.
«Дагъистан гъамси заманализиб гьа­ла­бяхI башахъес се барес гIягIнисил хIуни пикрибирулри. Камси заманала бухI­наб­ барибси хIянчилизир касибти багьудлумачи хъарахъили, хIела пикрили, бегI гьалар сегъунти ма­съулти гьунчидикахъес хIя­жат­си?», – хьарбаиб В.Путинни.
«Нуни, бегI гьалабси яргализир, лерти социальный масъулти ирзулра, лерти хIук­­мурти ва къуллу­къ­уни тамандирулра», — багьахъур В.Васильевли.
Илкьяйдали Дагъистайзир бизнеслис камти шуртIри диъниличила багьахъур В.Путинни регионнизи дураберкIибси ар­хIя­личиб. Гьанна, Президентла баянти хIясибли, республикали ил кьадарла шайчиб 69 ибил мер бурцули саби.
Аги-кьяйда секьяйдали дарс­­­дарес вирарал гъай­би­­кIу­ли калун МяхIяч­къа­ли­лизиб бе­­­тер­хурси социаль­ный бяхI­чи­­­биз­лизиб-эко­­но­микализиб гьа­­ла­бяхI ба­­шахъ­нила шайчибси­ со­­­ве­ща­ние­ли­­чиб. В.Пут­инни Да­­­­­­­­гъиста инвес­тициябала сур­­са­­­туни асарчерли пайда­ла­ди­­ра­­хъес, баркьудила бяхI­чи­биз гIяхI­­­­­бухъахъес жибариб ва гьар­кья­­ти кьялубачи, ил лу­гIи­­­ли­зиб – про­мышленностьла произ­вод­ст­­­воличи, хъа­ри­хъа­хъес мас­ли­гIят­­­ба­риб.
ДекIарти предприятиебала кьисматличила гъай детаур регионна жамигIятла вакилтачилси гьунибаъниличир. Илдани ра­диоэлектронный заводла бузе­ри сагабарахъес тиладибариб.
«Лерилра цехани, гIягI­ни­­­ахъ­луми мяхI­кам­дарили лер. Ил заводлизиб бузе­ри бехI­бихьес гIяхIсири, 300­-350-цадалра бузерила мер акIа­­хъубли», — дугьаизур Пре­­зи­дент­личи мерличивси адам.
«Нуни иргъулра, илди бузе­ри­ла мерани, алапа диъни, Москвализи чарулхъас, Правительстволичи ва промышленностьла Министерстволичи хъарбирис, вирхулра, масъала гьунчибиркахъниличи. Эгер лебилра заводлизи арбукьялли, мазала мас чили адилкьа, лебу илаб адамти? Ил нушани пикрибарес гIягIниси саби, аги-кьяйда къулайдиахъес, адамтас хIянчи биахъес багьандан», — буриб В.Путинни.

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru