f ok v in t y        Версия для слабовидящих

   Без возрастных ограничений

Чучи хъарси хIянчи бирути

РФ-ла фи­на­н­су­нала Ми­­нис­­терст­во­ла уч­реж­дениела ца­ла­­­бяхъ­ла охрана акIахъуб­хIей­чирад ва бу­зухIейчирад 95 дус диркули сари 2018 ибил дуслизир. Ил бузес бехI­би­хьибсири ОГПУ-ла гIяс­кур­тази кабурхуси 6-ибил полк акIахъубхIели.

16 март 2018 0 комментарий   М.МуртузагIялиев

Полкличи хъарси сабри халкьла финансунала коммиссариатла учреждениеби – пачалихъла лишанти лерти предприятиеби, улкала мургьила давлуми, алмазунала фонд, дурхъати валютаби ва жагьил улкала арц мяхIкамдарни. 1973 ибил дусла декабрьла 23-личиб СССР-ла Министерствола Советла хIукму хIя­сибли, уч­реждениела цалабяхъла ох­рана, СССР-ла Минфинна хасси журала ярагълабарибси охраналичи шурбатурсири. Илала гIергъи ил охранала у гIурра чуйнара барсбиубсири. 2000 ибил дуслизиб ил «РФ-ла финансунала Министерствола цалабяхъла охрана»-личи шур­батур. 2000-2001-ибти дус­мазир федеральный казначействола мер-муса далтахъути отрядунира акIахъубтири. ДР-лизиб федеральный казначействола управлениебала ва федеральный управлениебала налогунала управлениебала объектуни далтахъес хIеруди бируси саби 84 ибил филиалла отрядли, сабира 2001-ибил дус­ла мартла 22-личиб акIа­хъуб­си.
Отрядлизи кадурхули сари 25 комендатура. Илдани 29 объект датахъес хIеруди бирули саби. Отрядлизиб 239 адам бузули леб. Отрядлизиб бузутани 128 диэс гIягIнити пропускуни агарли бакIибти ва 117 объектуначир дузахъути тяхIяр-кьяйда дуунти адамти буцибтири. Отрядла хIян­чизартани объектуначир хабарагарти бехIемцIуни ва цIа диркнила анцIбукьуни хIе­ди­ахъес мурталра хIеруди биру.
2002-ибил дусла августла 1-личив охранала началь­ник К.Му­салаев, сунени хIе­ру­ди бируси объектличив къун­зу­хъун­хIели, кIел Ф-I ва ца РГД-5 гранатаби даргибтири. Дагъиста Республикала МВД-ла­ сапёртала кьукья жибарили, гранатаби агардарибтири.
2003-ибил дусла июньна 20-личиб комендатурала къараултала начальник И.ГIя­лиевли ДР-ла УФК-ла юртла гаражуназир кIел мерлар алкунти цIа дишахъунтири.
2005-ибил дусла сентябрьла 20-ли­чир дежурный ГI.ГIяхI­мадовли, 2005-ибил дусла октябрьла 12-личир къа­раултала начальник К.Ба­сировли, 2006- ибил дус­ла мартла 14-личир Э.Ид­­ри­совли, 2007-ибил дусла майла 23-личир Гумбетла район­низибти ко­­мендатурала дежурный О.Мя­­­­хIяммадовли, М.С.Му­ра­дов­­ли, охранала на­чальник М.ХIу­сейновли хIе­руди бирути объектуначи хапли шин да­кIиб­хIели, хутIла гими дархили, цIа алкунтири. Чедиб гьан­бу­шиб­ти комендатурала хIян­чи­зарти хъярхъли цIа дишахъес бажардибикибтири.
2007-ибил дусла августла 19-личиб, 20 сягIятра 30 ми­­нутра дикибхIели, держли­ белкъунти 2 адам, ДР-ла УФК-ла юртлизи бухIнабухъес алав­­­бакIибхIели, къараулла на­­чальник С.ТIагьировли ва объект балтахъуси дежурный А.ГIяб­­­­дуллаевли, полицияла ин­спек­тор­личил барх, илди бу­циб­­тири.
2000-ибил дусла мартла 10-личиб, ца сягIятра 30 минутра дикибхIели, Ах­­вахла районнизибси УФК-ла отделе­ние­лизиб, къараулбируси дежурный И.Пах­рудиновли, бячунси улкьайла шишала тIама бакьиб. Ахтарди дура­бер­кIиб­хIели, ил юртлизибси багьахъниби диахъуси кабинетла улкьай бячи, ила бензинни би­цIиб­си шиша лайбакIили буил­ри. И.Пах­рудиновли казначействола ру­­ково­дительличил барх алав­ба­­­кIили, илар алкунти цIа ди­ша­хъун­тири.
2011 ибил дусла 24-личиб УФК-ла комендатурала объектуначи хIеруди бируси къараулла начальник К.Басировли ва дежурный А.ГьитIисултIановли, ца ся­гIятра 50 минутра дикибси замана, ви­деокамерализи хIербикIухIели, юртла чедир алкути цIа чедаиб. Илдани къа­лабали цIа дилшахъуси охранализи багьахъур. 200 квадратный метрла чIя­бар­личи алкунти цIа, дахъал зарулти хIе­диахъубли, дяшунтири.
Илдигъунти анцIбукьуни гIурра чуй­­нара диуб. 84 ибил отрядла хIян­чи­­­­зарти, урехиагарли ва устадешличил вяш­­­­­бикIули, хабарагарли детаур­ти анцI­­­­­­букьуни агардарес мурталра хIя­дур­­­­­ли бирар.
ХIурматла Рашид Рамазанович ва 84 ибил отрядла коллектив!
Россияла Минфинна уч­реж­дениела цалабяхъла ох­рана 95 дус биънила шадлихъличил мубаракдирулрая! Даршудеш, разидеш, талихI ва чIумаси арадеш хIушабра хIу­шала хъалибаргунасра дулгул­ра!

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru