f ok v in t y        Версия для слабовидящих

   Без возрастных ограничений

ГIярчумаг касили гIергъи…

10 фев 2017 0 комментарий   Магомед Рабаданов

magomedИш дусла арбякьунси жумягIла «Замана» газетализиб нуни арбякьунси дуслизир нушала гьалмагъунас къулбасдарибти газетаби почтали хIедихниличила тIинтIли белкIунра.Ил белкI дурабу­хъес гьалаб нунира нуша­ла хIянчизар ХIяжимурад Ражабов­лира къулбасуни кадатурли «Россияла почта» ФГУП-ла филиалла ДР-ла УФПС-ла начальникличи кагъар белкIунра. КъантIси заманала бухIаб Дагъиста УФПС-ла директорла заместитель А.Ак­булатовала къулбасличил нушачи ишгъуна жаваб бархьиб:
« 2017 ибил дусла январьла 23-личибадси,8-ибил номерла хIушала гIярза хIясибли балахъулра:
Дахадаевла район, Бускрила ши —16 экземпляр;
Дахадаевла район, Дибгашила ши — 4 экз.
Дербент шагьар —1 экз.
Дахадаевла район, Трисанчила ши—18 экз.
Балахъулра, мераначи диахъути карточкаби нушани январьла 12-ла гIергъи сарри касибти ва бусягIятал илди нушани Дербентла почтамплизи даахъира.
ИшбархIилизир карточкаби лерилра бархбасла почтабази дархьилра. Лерилра газетабала номерти адресунала бегIтачи даахъилра.
ГIяйибла вегIлис выговор багьахъурлира.
ХIуша, нушани акIахъубти нукьсандешуначирад чердерхни тиладибирулра, челябкьлализир почта бихнила челукьути масъулти хIедирар».
Наб ишаб бегIлара тамашабилзуси ца секIал саби. Иличила бурес саби нуни иш белкI бируси, сенахIенну газетабала бегIтани гьанна чула изданиеби кайсули сари. Нушани почтала начальникличи кагъар хIебелкIунси биаллири, мажахIят, илдани ил масъала гьунчибикахъиши.
Нушани газетаби арбя­кьун­си дусла декабрьла бехI­би­хьуд­личир Редукторный поселоклизибси почтала 18 ибил отделениелизир къулбасдарибтири. Иларад бекIлибиубси почтала отделениелизи, сабира нушала къянкъубала гьалабси, халаси замана гIягIнилив илди карточкаби даахъес! Ил чедихIяртдешла баркьуди ахIену? Саби! Яра нушала баркь-бац гIярчумагличи бурси­диубтив? ИшбархIи кьалли декIарси замана саби. Рынокла шуртIри севан хIуни ду­ра­дуркIули виадлира, тяп илкьяйдали хIела бузери гьалабяхI башар, яшавла масъала циила гIяхIбулхъан. Сен ил секIал нушани хIергъуси? Яра ишбархIи почтализир хIедирцути секIал агара, иличибли чула хайри им­цIали биалли, ил декIарси анцI­букь саби. Бяст лебсигу, жа­гIялла бархIи почта хъярхъли бихути, бекIбирути багьадуртира багьарбухъес асубирар. Илкьяйда биалли, ишбархIи почтали газетаби, журналти къулбасдарибти адамтазирад арц сайсули биалли, илдас чебиркур чула дархьаначити чеблуми дурусли, адамти инжитхIебирули, имцIякь тIама-гьама агарли тамандирес. НушакIун ца бархIиличил ахIен­ра хIердирути!
… Февральла 5-личир нушани Дибгаши ва Трисанчи зянкъдяхъира. Илабти почтала хIянчизартани нушази «Замана» чучи башули саби или буриб. Ил разиси хабар саби. Газетаби чула шантас заманаличир дашахъес халаси къайгъибирути—Дибгашилизирси Адамова ПатIиматлис ва Трисанчилизирси Рамазанова Ариятлис нушани уркIи-уркIилабад халаси баркалла балахъулра.

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru