Дигеси саби нушала жагьилтас жигарчебли спортлизи ахъес дигни. Илала дурабад, бутIакьяндеш дарилицун буули ахIенну, гьаларти мерани сархули, чула гьала халати мурадуни тIашдалтули, спортла бягIуси гьуни гIямрула бетуцли бетарахъутира камли ахIен.
ХIера, гьалабванра Москвализиб бетерхурси жура-журала дявила искусствобала шайчирти абзаначир сергокъалалантани чула район хIурмат-кьиматличил гьалабихьиб.
Мурад Мирзаевли 1-ибил, МяхIяммадгIяли Зайпуллаевли 2-ибил мерани касиб. Илди сархибдешунани жагьилти спортсментас Россияла абзличи гьуни абхьиб.
Уршби тренер Камалудин МуртазагIялиевли руркъути саби.
Спортличи дигичебти, ил бетуц гьалабяхI башахъес халаси къайгъи дакIубирути уршбас гьаннала гIергъира гьарбизуницун дулгехIе.
Сергокъалала районна багьахънибала центр
