МяхIячкъала­ли­зиб­си Р.ХIям­­­за­товла ули­­чил­си Миллатла биб­лио­те­ка­ли­зиб, Сагаси Дус­ла бай­рамличил барх­­басахъи, ёлкаличи дир­шути ваяхI дирнила «Ну­­шачи байрам башар» иб­си рес­публикала конкурс-выс­тав­ка дура­беркIиб. Респуб­ли­кала район­тазибадти ва шагьур­­тазибадти школала гIям­­рула пагь­мучебти ва някъла устадеш лерти дурхIни ца­ла­би­киб ила. ДекIар-декIар­ти ма­териалтазирадли дарибти жа­гати ваяхI гьа­ладихьиб ил­дани бал­буцличир.
Кубачила А.М.ГIябдуряхI­ма­­новла уличилси  искусствобала школала дурхIнанира жи­гарла бутIакьяндеш дариб кон­курслизир. Илдани жюрилизи кьимат бедахъес багьандан Сагаси Дуслис хасбарибси творчестволашалси композиция балкьаахъурлири. Илар чедаахъилри Кубачила устнала устадешла ва пагьмуртала давлачерти бетуцуни. Экспонат балкьарахънилизир бутIакьяндеш дариб художественный бетуцличи дурхIни бурсибирнилизиб бузути преподавательти Абакарова ПатIимат Рабазановнани, ГIялиханова ПатIимат Жаб­рагIиловнани ва Кьурбанова Раисат ГIябдуллаевнани.
ДураберкIибси хIянчила устадешла ва пагьмула даража ахъли кьиматлабариб жюрила члентанира.
Конкурсличир гIярбукIан­тала пагьмурти лайикьли кьи­мат­ладарнилис бикьридеш дирули сари Кубачила искусствобала школала коллектив 3-ибил даражала Дипломличи лайикьбикнилира.
«Кубачила искусствобала школалис 3-ибил даражала Диплом беднили баянбирули са­би кубачилантала пагьмурти чеал­кIуси наслули устадеш­личил даимдирнилис ва дурхI­на­ла хIянчурби лайикьси тя­хIяр­ли кьиматладарнилис. Ил­­­дигъунти конкурсуназир бу­­­тIа­кьяндеш дарни дурхIнала сар­­­хибдешуни баяндарницун­ра ахIи, илдала творчество гьа­­лабяхI башнилис ил бетуц ку­меклира бетарули саби, чула культураличи ва устадешличи илди пахрули биркьести имкан­тира алкIули сари. Илала ду­рабадлира, ДР-ла багьудила уч­реждениеби-ургар культура­лашалти бархбасунира жигарчердирули сари илдигъунти далдуцунала кумекличил.
Нушани пахрубирулра ил­дигъунти сархибдешуначи ва гьаннала гIергъира преподавательталара бу­чIан­­­талара устадеш гьала­дяхI даш­ниличи дирхулра», — бу­риб Кубачила искусствобала школала директор Раисат Бя­хIяммаевани.

Дахадаевла районна
администрацияла пресс-служба