Эгер ДГУ-ла филологияла факуль­тет­ли­зиб бучIули калунтази, ва гьанна бу­чIу­тази даргала литератураличи чула хьул, яра иличила пикри барсбиахъубси пре­по­да­вательла у бура или дугьаизалли, илдани ча­ра­­­агарли Кьурбанова Эминаханум МяхIям­мад­ся­­гIи­довнала у буру.
Ил пергер гIялим, преподаватель, ва гIяхIси адамличила саби иш белкIра.
Гьала-гьала Эминаханум Мя­хIям­мад­ся­гIи­довнала гIям­ру­ли­чила баянти гьаладирхьулра.
Кьурбанова Эминаханум Мя­хIям­­­­мад­ся­гIи­довна акIубси сари Сергокъалала районна Мурегала шилизир 1970 ибил дуслизир. 1987 ибил дуслизир шила урга даражала школа таманбарибсири. 1993 ибил дуслизиб биалли, илини Дагъиста пачалихъла университетла Дагъиста филологияла факультет (гьанна филологияла факультет) хъараахъур. Ил дусличирад рехIрихьили, Эминаханум Мя­хIяммадсягIидовна 1999 ибил дусличи бикайчи ДГУ-лизибси фольклорла ва литературала гIилму-ахтардила институтлизир рузиб. 1995 ибил дуслизир Дагъиста халкьла литературала кафедрала халасигъуна преподавательла хIянчиличи шуррухъун. Илар илини гIилмула дахъал хIян­чурби делкIун, кафедрала доцент ретаур. 2003-ибил дуслизиб «Характеры и конфликты в романах Магомед-Расула» бикIуси тема хIя­сибли, кандидатла диссертация бетерхахъурсири. Ва 2009-ибил дуслизиб ил дессертация каберхахъурси цаибил жуз дуракаибсири. Гьанна бусягIятра Эминаханум МяхIяммадсягIидовнани ДГУ-лизибси Дагъиста халкьанала литературала кафедрализир ва Да­­гъиста федералласи гIилму-ах­тардила центрлизи кабурхуси мез, литература ва искусство руркъуси институтлизир гIилмула хала­сигъуна хIянчизарла къуллукъ бу­за­хъули сари.
Э.Кьурбановани даргала пи­сательти-поэтунала творчест­во ункъли бяркъурси саби. Илини ил­дала пагьмулашалти дигIян­де­шу­ни сунела студентунас гьаргдиру.
Ну ДГУ-лизив учIухIели наб бегIлара дигиаурти дурсри дарган мезла ва литературала сарри. Э.Кьурбановани дила декIарси ихтилат бири. СенахIенну наб гьалабла литератураличиб ишхIелла имцIали дигахъира. Ва «Гьалмагъдеш» журналлизир, «Замана» газетализир дурадухъунти лерилрара-сера литератураличи хасти белкIани далира. Чидил-биалра поэт яра писательла творчество бучIули диахIелри, ну хъярхъли кабинетла гIямзилаб жу­зани, газетабани, журналтани би­цIибси шкафличи дуцIулхъусири. Ну­шани сунела творчество руркъуси пи­сатель, яра поэтличила белкIунси макьала баргили, преподавательла стол­личи кабирхьусири. ИлхIели ил тамашарири ва масхаралисван рикIи: «Мя­­хIяммадшапи телефоннизирси Али­сагъуна сай. Хъярхъли белкI бур­гу».
Э.Кьурбановани наб халаси кумек барибсири димломный хIянчи лукIухIели. Ва ил дила дипломный хIянчила рецензент сарри.
ИтхIели Эминаханум МяхIям­мад­­­ся­гIидов­нани наб дебали багаладиэсти багьудлуми гибтири. Дила дипломный хIянчилизирти хатIаби гьардарахъес, текст бухI­набуцлашал чеби­цIа­хъес, пай­­далабарибси литературала сияхI­­лизи дила дипломный хIян­чила темаличила гIурра чумал жуз кадерхахъес. Э.Кьурбановала кьас­ли­чибли ва кумекличибли наб бегI­лара чихъси кьимат бикиб­си­ри.
Э.Кьурбановала дурсра­чир­ра тамашалати тяхIяр-кьяйда дири. Дарс бу­ру­хIели, хапли ил писатель яра поэт хIерируси ман­зил­лизи рухI­най­хъу­сиванри. ХIера, Эминаханум Мя­­хIям­мад­сягIидовнани кадихьибти дурс­ра­ни бур­гар, набзиб литератураличи диги акIа­хъуб­си­ра.
ХIурматла Эминаханум Мя­хIям­­мад­ся­гIи­довна, уркIи-уркIи­лабадли наб дурсри кадирхьнилис ва кумекбирнилис халаси баркалла балахъулра, хIедра хIела хъалибарглисра чIумаси арадеш, бузерилизир гьамаддешуни дулгулра. Дерхъаб хIела гIямру!!!