Гьарил адамлис вегIла мез дагьес чевкъар. Илди мезличил багьудлумира касес хIяжатси саби, сенкIун нешла мез хIедалули гIергъи, вегIла тарих, культура дагьесра хIейрар.

Нешла мез рухIла, адаб-хIяяла ва культурала давла, хазна сари. Илди мезличил кьяйдали нушани дагьес гIягIнили сари нушала бегIтала гIядатунира, бяркъра, дузахъути гIядлу-зегъара. Нуша дарган бегIтани даркьибтира, адикьуртира ва гIякьлуличи дикахъибтира. «Дай хъатлаб хайнига берцIадра, нешла чебла ахъес хIейруд», — бикIаргу. Нуша мурталра нешла чеблалиур кавлутира. Мезлара нешлагъуна хIурматбарес нушала дурхъаси чебла саби.

«Мез далуси мурдали, хIедалуси хьурали», — иру халкь-ургаб.  Илди дагьахъес, дяркъяхъес нушаб кумекдиэс дирар нешла мез. Сегъунти мез дагьаллира, чисалра диргалахIедулхъан, амма бегI гьалабси яргализир дяркъес гIягIнили сари вегIла нешла мез.

Нешван ахIерли кавлути сари нушаб дарган мезра. «Сунела нешла мезличи авараагарси инсан рухIлашал мискинси сай»,- бикIар нушала бегIти.

…Нешла мез – дила давла, бегIтани наб батурси,

Нана хIуливан нуни мяхIкамбарес гIягIниси.

Нешла мез детахъалли, ну пяхIли ретихъулра

Нешла мез хIедагьасли, бегIти агар язихъра! – или ихтилатрикIар набчила дила хала неш.

Дигахъеная нешла мез!

Марат Маликов, ДР-ла «Республикала багьудила центр» ГБОУ-ла 4-ибил классла учIан