Селизиб Чирагъ ши цархIилтазибад декIарбулхъуси ва се багьандан иличила белкIунси жуз белчIес гIягIиси
МяхIяммад ХIяжирабданович МяхIяммадовла ва Ш.Ш.Мусаевла «Чирагъ» бикIуси шиличила белкIунси жузлис багъишлабарибси саби ХIяжимурад Ражабовла иш макьала.
Жузлизиб бурули саби Даъистайзиб бегIлара ахъти дубуртазиб мерлабиубси (Куруш шилис гIергъи) ца бахъхIила даргала шиличила, илила тарихличила ва шила адамтачила. «Жузлизиб имцIали пикри бяхIчииули саби ши алавси ургубала хасдешуначи ва шиличил дархдасунти тарихла анцIбукьуначи: жявти дусмазиб бахъал журала душманти шиличи чебухъниличила, Кавказла дявтачила, граждан дергъличила, ЧебяхIси ВатIа дергъличила. Лерилра илди дургъбазир чирагълантали бутIакьяндеш дарибти сари», - бикIули саби жузла авторти.
БелчIунтас жуз гIяхIбилзни баласра.