Гьалавван Эр-Риядлизив (Саудовияла ГIярабия) PFL World Championship ибси смешанние единоборствабала турнирличив Россияла кункси битIакIла спортсмен Дахадаевла районна Кьункьила шилизивадси ХIяжи Рабаданов 39 дусла гIямрула экс-чемпион америкалан Брента Примусачи къаршили дуравхъун PFL-ла лигала гран-прила дазурбазив.

Рабадановли вирхIес вехIихьибхIели, бегI гьалабал сай гIяхIил хIядуриубси ва кьуватчевси спортсмен виъни чебаахъиб. КIиибил раундлизив Рабадановли Примус гIяхIил мукIурвакIахъиб ва хIябъибил раундлизив заманалис гьалав чедиикиб.

Илкьяйдали технический нокаутличил чедибдеш Рабадановлис бикибсири ва PFL лигализив кункси битIакIлизив гран-прила чедибдеш сархиб.