Гьалавван Да­ха­даевла район­на Кьун­кьи­ла ши­ли­зивадси СВО-ли­зир бу­тIа­кьяндеш дируси пра­пор­щик Рабазан ГIяхIмадович Гираев район­низи гьаввакIиб.
Рабазан Гираев СВО-ла бутIакьянчицун ахIенну, гьарли-марси игитра сай. Сунени асилдешличил къуллукъбируси манзиллизир илини дахъал шабагъатунии касили сай. Илди-ургар лер Суворовла уличилси, «Дявила къуллукъличив декIарухъни багьандан» ибси III ибил даражала, «Гъабзадеш багьандан» бикIути медальти, «Дагъиста халкьла игит» ибси зубари. Ил «Дявила хасси балбуцла бутIакьянчи» ибси уличи лайикьикили сай. Илди шабагъатуни гIячихъси мисаллира детарули сари чеалкIуси наслула вакилтас.
ИшхIелла манзиллизиб Рабазан Гираевли 102-ибил хасси бяхIчибизла оперативный бригадализиб къуллукъбирули сай. Ишди бурхIназив ил отпускличи вакIиб ва камси заманала ухIнав сунени къул­лукъбируси мерличи чарулхъуси сай.
Рабазай сунела дявила къуллукъличила, дявила майдайчир сунечил ва юлдашуначил къаршидиркути къияндешуначила, бургъантала игитти баркьудлумачила хабурти дуриб.
«Илдигъунти гьунибаънибани мягIничебси мер бурцули саби нушала халкьани-ургарти бархбасуни уржахънилизир. Илкьяйдали регионнизир кадиркути анцIбукьуначила ункъли баянти аргъес ва даршути гIямру диахъес багьандан лебтанилра къайгъни дакIудиру. БекIлибиубсигъуна – нушала ахIерси ВатIа хъар­хIе­ра­гардеш балтахъантачила хъум­хIертни ва илдас диубсигъуна кумек гIеб­баахъни», — буриб муниципалитетла ру­ко­водительли.

Дахадаевла районна администрацияла пресс-служба