Сергокъалала районнизиб ЧебяхIси ВатIа дергъилизиб Чедибдеш сархибхIейчирад 80 дус дикнилис хасбарибси халкьани-ургабси кумекчибала корпус хIядурбирнила муниципалитетла центр абхьиб. Ил мягIничебси балбуц Ленинград шагьар душмантани алавбуцнилизибад тамай азадбатахъурси БархIиличил бархбасахъун.

Илдигъунти кумекчибала штабани гьанна нушала улкала декIар-декIарти мер-мусаличирцунра ахIи, дахъалгъунти дурала пачалихъуназирра ибхьули саби. Илини бикьридеш дирули сари нушала тарихла букьурла дурхъадешлис.

Сергокъалализиб центр ибхьнилис хасбарибси балбуцличиб лебри хIукуматла органтала вакилти, СВО-ла бутIакьянчиби, Чедибдешла кумекчиби, жамигIятла организациябала жигарчебти бутIакьянчиби ва СМИ-бала вакилти.

«2025 ибил дус нушаб хассили, Чедибдеш сархибхIейчирад 80 дус диркусили бетарар. ЧебяхIси ВатIа дергълизиб сархибси Чедибдеш – мекелли халаси, тарихлашал мягIничебси анцIбукь саби. Чедибдеш агарси биалри, хIушачил дарх нушара дирути ахIенри. ГIергъити дусмазир нушани чедиулра тарих чеббелкIес ва ил халаси сархибдеш биахънилизиб Советский манзилла, Россияла халкьла мягIничебдеш камбарес дирути Западла къайгъни», — бурилри балбуцличиб.

Илдигъунти далдуцунани нушала халкьла гьунартачила гьанбикуни калахъес кумекбиру ва асилдешличилси баркьуди даимбарес хIядурти кумекчиби цалабирхъу.

Сергокъалала районна багьахънибала центр