Лавашала районна мер-мусаличир, реестрла хIясилти хIясибли, ТКО цаладиркути 399 мер белгидарили сари. Хасси техникала имкантира пикрилизи касили, шимазирти нясдешуни цаладиркути 39 мер гIягIниси тяхIярличи дикахъили, тIакьни даршили далкьаахъурли сари.
Лавашала районна администрацияли жярга-зекъ цалахIедиахъес багьандан, лайикьти мераначи илди лайдикIахъес хасдарибти тIакьни кадизурли, мер-муса къулайси агиличи диркахъули сари.
ИшбархIилис цацадехIти шимазир нясдешуни ардихнила хIянчи дурадуркIули сари шимала бургала цIакьаначил яра шантала хIяракатличил. Нясдешуни агардирни ва шими умули дихIни – тIабигIят мяхIкамбирнила шайчибра бекIлибиубси бетуц саби.
Лавашала районна администрацияла пресс-служба
