Сергокъалала рай­онна культу­ра­ла­-бамсриихънила ши­ми-ургабси Центрла «Ма­хIар­ги» бикIуси халкьла кол­лек­тивли Россияла халкьанала «Ди­ла хъалибарг – Россия» маж­лис-фес­ти­валь­лизир бутIа­кьян­деш дариб.
Балбуц дураберкIибсири Дагъистан Республикала культурала Министерстволи ва республикала халкьла пагьмуртала Юртли.
«МахIарги» коллективлис илгъуна мягIничебси балбуцлизир бутIакьяндеш дарниличил Сергокъалала районна урхIмешули ахIенси культура чебаахъес ва халкьла пагьмурти тIинтIдирнилизи бел­гиси пай кабихьес имканбакIиб. ГIяр­тис­тунани «Мекъла гIядат» бикIуси сценка че­баахъиб.
Буралли, «Дила хъалибарг – Россия» бикIуси мажлис-фестиваль регионти-ургабси культурала ихтилат уржахънилис майдай бетаур. Илкьяйдали илини, декIар-декIарти гIядатуначи ва мезаначи хIерхIеили, улкала халкьани цахIнарти давлумани ва цали цала культурала букьуртала хIурматбирнили цаладирхъули диъни чебаахъиб.