Россияла Игит МяхIяммад НурбяхIяндовла у бихуси Сергокъалала районна кIиибил школала 4-ибил класслизив учIуси урши районна администрациялизи живариб.
Сунела мугIяллимтачил варх районна администрациялизи вякьунси уршили районна бекI Арсен МяхIяммадовличил ихтилат дураберкIиб ва, администрацияла духIнар гьар бархIи дурадуркIути хIянчиличил тянишвиуб.
Районна бекIла кабинетлизир секьяйдали совещаниеби детурхулил, район гьалабяхI башахъести сегъунти тяхIяр-кьяйда гьаладирхьулил, илкьяйдали шимала ва шантала аргъбаибти суалти арзес гьар бархIи къайгъилизибти декIар-декIарти бяхIчибизунала специалистунала бузери севан кабизахъурлил тянишвиуб.
«Нуша хIядурлира жагьил наслуличил гьунидаэс, илдачил ихтилатдикIес», — викIи А.МяхIяммадов.
Сергокъалала районна багьахънибала центр