Лавашала районнизибад СВО-ла мер-мусаличи яргаличилси кумек бархьиб.
Илар лерри бургъанти дигIянбикахъес хасдарибти (маскировочные) сетани ва ВатIан балтахъантас гьар бархIи хIяжатдиркути цархIилтира гIягIниахълуми: берк-бержла продуктуни, дармунти, ванати палтар, умудеш гIеббурцути секIал ва цархIилтира. Гьарил посылка – нушала ванзала шайзибадси дугьабиз саби: «Нуша хIушачил дарх сарра. Нушани хъумуртули ахIенра. Нуша хIушачи дирхулра».
Лавашала районна администрацияла бекI Мухтар ХалалмяхIяммадовличил барх ил мягIничебси хIянчи дураберкIес чучи чесиб гьарли-марли баркьудилизи ахъибтани – «Нешанала цIакь» бикIуси организацияла социальный бяхIчибизла къуллукъуни къелгIердикуси Елена Бондаренкони ва илала муруй. Илдани сабри цалабяхъибси кумекра нушала бургъантачи биахъуси.
Буралли, ишбархIи республикали ва декIар-декIарти районтани дявила хасси балбуц бетурхуси мерличиб бургъути улкала марти уршби гIеббуцес халаси къайгъи дакIубирули саби. Илдас хандакьуназир хIяжатдиркути шямани ва маскировочные сетани далкьарахъули, цархIил журала кумекличил илдира дурхьули сари. Бургъантала гIямру уцахъути ва илди дигIянбикахъес хасдарибти сетаначи хIяжатдеш лебни иргъули, дагъистанлантани илди хIянчи жигарчерли детурхахъули сари. Ил баркьудилизи мягIничебси пай кабирхьули саби Лавашала районнира.
Кумек бухили аркьутасра гьунби гIяхIдираб, гIягIниси мерличи баили, нушала бургъантас ил икьала бедили, ара-сагъли чарбухъаб.
Лавашала районна администрацияла
пресс-служба
