Лавашала районна администрациялизиб дявила хасси балбуцла бутIакьянчи ГIяхIмад ГIусмановла хьунуйчил гьунибаъни бетерхур. Хажалмахьилизивадси ГI.ГIусмановли, вягIда бигьи, СВО-лизир 2024 ибил дусличирад бутIакьяндеш дирули сари.
Районна администрацияла бекIла кумекчи Ислам МяхIяммадовли ургъанна хьунуйчил ихтилат дураберкIиб. Илала дазурбазир хьунул адамли чула челукьути бекIахъудила масъултачила гьанбушиб ва шуртIри къулайдиахъес кумекбарахъес ибси тиладиличил дугьаризур.
Аги-кьяйда итмаданал хIерудилиу касиб. «Районна администрацияла ил масъала арзахъес чараагарли икьалабиру», — бирхаудиличил буриб Ислам МяхIяммадовли.
Дявила хасси балбуцла бутIакьянчибала ва илдала хъалибаргунала масъулти мурталра муниципалитетла бекI Мухтар ХалалмяхIяммадовла хIерудилиур сари ва илди бегI гьалабси яргализир гьунчидиркахъути сари.
Нушани дебали халаси баркалла балахъулра ГIяхIмад ГIусмановлис, илкьяйдали нушала лебилра бургъантас, гъабзадеш дакIудирни ва ВатIа гьаларти къуллукъуни асилдешличил ихъни багьандан. Лавашала районна администрацияли чула хъалибаргуначи бургъанти кьакьахIебикIахъниличи, илдала тиладлуми пикри агарли хIедалтниличи ва масъулти къалабали ирзниличи лерилра цIакьани дяхIчииули сари.
Лавашала районна администрацияла пресс-служба