(«Замана» газетала редакцияли шурбалтнила Бюро ибхьули саби:
мез мяхIкамдирули, дунъя гьаргбирули)
ХIурматла газета бучIанти, хIукуматла хIянчилизир, вачарлизир ва культурализир дузанти!
«Замана» газетала редакцияли пахруличил балахъули саби бекIахъудила — мягIничебдешла проект — санигIятлашал хIядурбиубти «Замана» газетала тилмажуни бузуси Бюро акIахъниличила.
ИшхIелла манзиллизиб сегъуна-дигара манзиллизибичибра ункъли мяхIкамбарес хIяжатли саби нушала халкьла культурала ардякьунти наслубазибад касибси рухIла, гIямрула, яшавла кабиз. Даргала литературала мез – ил наслубала мицIирси бархбасли бетаруси давла саби, нушала уржибдешла хьулчи саби. Амма ил бетуц ишхIелла манзиллизиб бяхIигули саби ишдигъунти тIалабуначи: баркьудила бархбас, багьудила программаби, хасти документуни, чузирра гьачамличир-гьачам нешла мез пайдаладирути.
Нушала бюро ил бетуц барсбирахъниличи бяхIчиаибси саби.
Нушани гьаладирхьулра санигIятлашал чедетаахъили даргала литературала мезличи шурдалтнила кумек гIеббиахънила баркьудлуми ва илдазирадли:
Юридические документуни: вягIдурти, уставти, свидетельствоби, хасти кагъурти.
Литературала произведениеби: жузи, повестуни, назмурти, публицистика.
Багьудила ва гIилмула материалти: учебникуни, методичкаби, статьяби.
ДекIар-декIарти выступленияби: конференциябас текстани, презентацияби, далдуцунала баянти.
Вачар бузахънила текстани: сайтани, рекламабала брошюраби, вачарла масани сипатдирнила белкI.
Се багьандан нушачи вирхес хIяжатли?
Экспертунала команда: ХIушала текстаназиб бузар санигIятлашал ункъли хIядурбиубти лингвистуни, филологуни, даргала литературала мез ва илала декIар-декIарти бетуцуни ункъли далути, илди мезла давла гIяхIил кьиматлабирути специалистуни.
ДигIяндеш ва дурусдеш: Нушани умутличил балахъулра текстла дурусдеш ва илала мягIнала чебетаибдеш кавлахъниличила.
Яшавласи жавабкардеш: бюрола лерилра хIянчурбала хайри «Замана» газета гьалабяхI башахънила баркьудилис, сагати проектунас, дарган мез ва культура гьаладяхI дашахънилис пайдалабируси саби.
«Замана» газетала шурдалтнила бюро – ил гIядатунала ва ишхIелла манзилла, шалгIеббухъунси ва челябкьлала манзилтала ургабси гуми саби.
Даширая, нушала хала бегIтала мезличил тарих лукIехIену.
Нушачил бархбасуни кадизахъес дирудая: 8 926 404-07-77; zamana@etnomediadag.ru.
ГIябдуряхIман ИсмягIилов
