Гьалабван Лавашала районна духIнарти гьундурала аги-кьяйда ахтардидариб. «Шимазирти гьундури чедетаахъили сагадарес» ибси программа хIясибли палакатдиубти ва дуркьдиубти гьундури къулайдарес пикрибарили саби.
Кьакьамахьила, ЦIухтала ва Чунила шимала жамигIят чула ши-алавти ва шилизирти гьундури къулайдарахъес или дугьабизуртири. Гьундури хIердарили, халкьла пикриличи лехIбизурли, администрацияли илди программализи кадерхахъур ва илди сагадирнила хIянчи бекIдарес чесиб.
Гьанбушибси программализи гьундури къулайдирнила чумал балбуц кадерхахъурли сари.
Шимазир илдигъунти хIянчи дурадуркIнили, челукьути масъулти заманаличир арзахъес, администрацияла хIянчизарталара шимала руководительталара бузерила бархбас ункъбиахъес имканбикIахъули саби.
Лавашала районна администрацияла пресс-служба
