Ассаляму гIялайкум, хIурматла дарганти!
ХIушанира пикрибируливан, ишхIелла замана дебали хъярхъли барсбикIули саби. Гьаларти манзилтазиб сагаси секIал дураэс, адамла бузри ва дусми ардашути диалри, нушала замана илгъуна баркьудилис бурхIни ва сягIятуни сари хIяжатдиркути.
Ашкарливан, технологияби гьаладяхI дашни гIяхIсира саби, илди вайгъубзнани пайдалахIедираллицун.Масала, гIергъити чумал дусла духIнар гIяхIцад социальный сетани ва мессенджерти дакIудухъи сари. ИлхIейчирадли иларти багьахънибала сурсатуначил пайдаладикIути нуша шакра хIедикили далкIти багьахъниби тIинтIдирантала кьурбантили детаурлира.
ГIядатлибиубливан, илдигъунти къунбартала гIячихъти далилти хIедирар, чучи ташмишикIести адамтала дацI гъайла хьулчиагарти багьахъниби сари илди. Ил багьандан хIушани сахъдеш дакIубирули дигулра наб. Ташмишдеш алкIахъуси багьахъни ахтардибирес чебиркур, хIушазирад шилтахъчидеш хIедиахъес багьандан.
Ил дебали мягIничебси саби, сенкIун нушазивадли гьарилла пикрилизибадли цалабиркусигу абзурли жамигIятли тIинтIбирусира. Ил багьандан васвасикIесил багьахъни чебаибхIели, ил гьала-гьала ахтардибиреная.
ГIябдуряхIман ИсмягIилов
