Сергокъалала районна лерилра яслибала руркъянтани ва школабала бучIантани дявила хасси булбуцла бутIакьянчибас бучибси кумек ХIурхъила шилизивадси МяхIяммад СягIидовличил Украинала мер-мусаличи бархьиб. Кумек бурхьнила балбуцлизир бутIакьяндеш дариб районна бекI Арсен МяхIяммадовли, ва лебилра бутIакьянчибас баркалла багьахъур. «Чула чебла ихъути  бургъанти гIеббурцнилизи халаси пай саби ил», викIи А.МяхIяммадов.

Бургъантас бегIлара хIяжаттили детарути дармунти декIардарнилис халаси баркалла багьахъур предприниматель Руслан ГIисаевлис. Къиянси манзиллизиб цалис цали кумекбирнила мягIничебдеш чебиахъули саби илдгъунти анцIбукьунани.

Даширая, нушала ВатIан балтахъантас мурталра дирусигъуна кумек бирехIе.

Сергокъалала районна багьахънибала центр