Лавашала районнизивадси кункси дуцIла шайчивси спортсмен (атлет) МяхIяммадов МяхIяммадсалам Шамиловичли Южный федеральный округла (ЮФО) абзаназир бутIакьяндеш дариб. Илар абзани дурадуркIутири кункси атлетикала декIар-декIарти жураби хIясибли.

Халаси гъирала ва бузерила кумекличил илис диск иргьнила шайчиб 1-ибси мер буцес имканбакIиб, суненира гIяхIси хIясилти чедаахъили (59,06 м.).

Абзаначиб чедибдеш сархни багьандан, М.МяхIяммадов грамоталичил ва медальличил шабагъатлавариб. Ил баркьуди илала спортла шайчирти сархибдешуни чихъли кьиматладирнилис бикьрилира бетаур.

МяхIяммадсалам Шамилович мягIничебси чедибдешличил мубараквирулра ва спортлизир гьаннала гIергъира гьарбизуницун дулгулра!

Лавашала районна администрацияла пресс-служба