Ишди бурхIназиб Республикала жагьилтала центрлизиб Дагъиста жагьилтала баркьудлумала шайчивси министр Камил СягIидовла бутIакьяндешличил пресс-конференция бетерхур. Иличир арбякьунси дусла баянти каиб.

Гьаланачи министрли баркалла багьахъур республикала БекIлис ва Россияла жагьилтала пачалихъла центрлис чули ил шайчиб дурабуркIуси мягIничебси бузерилис.

Гьанбушес дигулра, ишдуслизиб улкали ВатIа ЧебяхIси дергълизиб Чедибдеш сархибхIейчирад 80 дус дикнила юбилей дурабуркIули саби. Жагьилтала баркьудлумала шайчибси Министерстволи ишдигъунти далдуцуни дурадеркIес пикрибарили саби: «Блокадала кьацI», «Гьанбикунала вахта», «Чедибдешла диктант», «Георгиевла чял», «БебкIаагарси полк», «Гьанбикунала шям» ва «Дявила цIала суратуни».

Министр К.СягIидовли бурни хIясибли, патриот бяркъ бедлугути илдигъунти далдуцуначи кIиркали пикри бяхIчииэс чевкъар.

Конференцияла ахирличиб министрли жагьилтала политикала шайчирти масъултачила лукIути СМИ-бала вакилти Баркаллала кагъуртачил шабагъатлабариб. Илди изданиебала ургаб лебри нушала «Замана» газетара. Министрла някъбазибад шабагъат касиб газетала корреспонтдент Рабадан БяхIяммадовли.

Газета гьаннала гIергъира сабухъчебли бузниличи бирхауди леб.

Нушала корр.