Россияла Федерацияла Пачалихъла Думала Федеральное Собраниела багьудлуми кайснила шайчибси Комитетла председательла заместитель НурбяхIянд НурбяхIяндовли «ДурхIя школализи хIядурвара» ибси лебил Россияла балбуц ункъли гIеббуциб. Илини хасси пикри бяхIчиаиб школабазиб багьуди кайсути дурхIнала яшавла даражаличи. ИмцIаливан илини гIеббурцули сай гIямрула къиянти шуртIрази бикибти дурхIни.

Кубачила комбинат 100 дус биънилис хасбарибси халкьла пагьмуртала лебил Россияла «Кубачи» бикIуси фестивальличи вакIибхIели, НурбяхIянд НурбяхIяндов арадешлизиб нукьсанбикибти ва СВО-лизир бутIакьяндеш дирути бургъантала дурхIначил гьуниваиб. Илдигъунти гьунибаънибани дурхIни белчIудилизиб гIеббурцулицунра ахIи, илдала хъалибаргунас рухIлашалси кумекра гIеббиахъуси саби.

Н.НурбяхIяндовли дурхIнас тетрадуначирадли дехIдихьили белчIудила бетуцлизир хIяжатдиркути гьарил секIал духIна кадихьибти рюкзакуни савгъатдариб. ЧеалкIуси наслу гIеббурцнила ил баркьудили иргъахъулира саби гьарил дурхIялизи лайикьти багьудлуми касахъес хIяжатли биъниличила.

«ДурхIя школализи хIядурвара» ибси балбуц бяхIчиаибси саби школализи вашуси гьарил дурхIялис цагъунти шуртIри алкIахъниличи. Илдигъунти баркьудлумани белгибирулира саби къиянси манзиллизир нушани цалис цали кумекбирнила баркьуди гIеббурцниличила.

Дахадаевла районна администрацияла пресс-служба