Сергокъалала районна багьудила управлениела начальник Ханум Набигуллаевна ГIисаева «2024 ибил дусла баянти хIясибли, муниципалитетлизиб багьуди гьалабяхI арбукнилис ва ил шайчиб асарчебси хIянчи дурабуркIнилис» ДР-ла багьудила ва гIилмула Министерстволи Баркаллала кагъарличил шабагъатларариб.

Илис шабагъат бедиб хасси Министерстволис бекIдеш дируси ЯхIъя ХIямидович Бучаевли.

Нушала районнизиб багьудила кьяли мурталра ахъси даражаличиб бируси саби. Гьаннара ил гьалабяхI арбукес ва гьатIира сархибдешуни диахъес къайгъибирули саби Ханум Набигуллаевнани. Сагаси Дуслизирра лерилра пикруми-кьасани гIямрулизир детерхаб ва гьамадли ахIенси бузерила бетуцлизир гьарбизуницун диаб!