Дахадаевла районнизивадси пенсионерли бузерила мераначил адамти гIеббурцнила ярмаркала дазурбазиб хIянчила мер баргиб.
Папай МяхIяммадов акIубси сай 1967 ибил дуслизив Дахадаевла районнизив. Дахъал мераначиб илини хIянчи барибси саби. ДухIнарти къуллукъунала капитан вири, МяхIячкъалала шайчибси Россила МВД-ла Управлениела отделла халасигъуна специалистли авал дус хIянчи барибсири.
«Пенсияличи арякьи, хъули кайибхIели, хIянчи агарли уэс хIевирни нуни балулри. Ил багьандан муниципалитетлизир лерти акьути хIянчила мераначил тянишвирес вехIихьира. Ил шайчирти суалти ирзути инспектортани ну ярмаркаличи живарира. Илаб наб «Газель» машинала шоферла хIянчи гьалабихьиб. Ну иличи кьабуликира. Баркалла багьахъес дигулра набчил ихтилат дураберкIибти лебилра хIянчизартас», — викIи П.МяхIяммадов.
Илини Дибгашила ва Зубанчила шимазибти хIянчиличил гIеб­бур­цуси Центрла специалистуни Уркарахъла шилизи бикути саби. Центрла директорли ва хIянчизартани буруливан, илдала сагаси шофер дебали адамдеш духIнарси, хIянчиличи чекайзурси адам сай. Адамтас кумеклис пачалихъли дурадуркIути далдуцуначи пикри бяхIчииахъес П.МяхIяммадовли цархIилтира жибирули сай.

ДР-ла бузерила ва социальный бяхIчибизлизиб гьалабяхI башахънила шайчибси Министерствола ­пресс-служба