«Цаси Россия» партияли «Земский почтальон» бикIуси Лебил Россияла конкурс дурабуркIу. БегIлара гIяхIси почта биханна у сархес багьандан, 50 азирцад адамлис абзбикес имканббикIур. ЧеббиркIнила бутIа мартла 10-личиб бехIбихьиб. Дус яра имцIали хIянчи барибти специалистуни, илала бутIакьянчибили бетарар.
«Гьарахъти шимазиб ва махьурбазиб бархбас бузахънила шайчирти икьалаби касес вирнила мер бетарули саби почта. Партияла даражаличиб нушани шимазирти почтабала хIянчи гIеббурцулра. Халкьла программа ва Президентла хъарбаркь хIясибли, почтабала отделениеби сагадирулра, илдала имканти тIинтIдирулра. Нушала конкурс ил шартIлис кумекли бетарар ва почта буртIанна санигIят чеббикIибтала бузерила даража ахъбурцу», — буриб «Цаси Россия»-ла Генсоветла секретарь В.Якушевли.
Россияла Почтала бекIливиубсигъуна директор М.Волковли гьанбушиб, «Земский почтальон» конкурс бяхIчиаибси саби — гьарахъдешличи хIерхIеили, адамти-ургабси бархбас калахъес бузутала хIурмат ахъбуцниличи или.
«Ил мягIничебси санигIятличи пикри бяхIчиаъни ва бузери даимбарни — нушала бекIлибиубсигъуна мурад», — викIи М.Волков.
Конкурслизир бутIакьяндеш дарес багьандан, апрельла 10-личи бикайчи почтала хIянчизартани земскийпочтальон.рф. бикIуси сайтличир онлайн-гIярзаби датес хIяжатбиркур. Апрельла 11-личибад бехIбихьили, майла 1-личи бикайчи регионна экспертная комиссияли илди ахтардидиру ва гIяхIтигъунти чердиркIу. Ахирласи бутIа Москвализиб июньна шуличиб бетурхар.
Иличи че, майла 12-личибад июньна 5-личи бикайчи «ВКонтакте» сетьлизиб https://vk/com/russianpost , «халкьла почтальон» бикIуси номинация хIясибли, тIамри дедлугнила балбуц бехIбирхьур.
«Цаси Россия» ДРО ВПП-ла исполкомла пресс-служба
